کھوسٹ کوئلہ کان میں کام کے دوران رسی ٹوٹنے کے باعث افغانستان سے تعلق رکھنے والے دو کان کن زندگی کی بازی ہار گئے.
ہرنائی کے علاقے کھوسٹ میں کوئلہ کان میں کام کے دوران رسی ٹوٹنے کی وجہ سے ٹرالی الٹ کر مزدوروں پر جاگری جس کے نتیجے میں سمیع اللہ اور فیض محمد موقع پر جان بحق ہوگئے۔
دونوں مزدوروں کی لاشوں کو ضروری کاروائی کے بعد ورثاء کے حوالے کردیا گیا جبکہ دونوں مزدوروں کا تعلق افغانستان سے بتایا جاتا ہے اور مزید تفتیش مقامی انتظامیہ نے شروع کردی۔
