جب تک بلوچ عوام کو پنجاب سے آزادی نہیں ملتی افغانستان کے لوگ ان کے ساتھ کھڑے ہیں۔ ان خیالات کا اظہار افغانستان کے جنوبی صوبے کندھار کے پولیس سربراہ تادین خان اچکزئی نے سوشل میڈیا کے ویب سائٹ ٹویئٹر پر جاری اپنے ایک بیان میں کیا۔
تادین خان کا کہنا ہے کہ شہید جنرل اسلم بلوچ کی پہلی برسی پر تمام قوم پرست بلوچوں اور افغانوں کو مبارکباد پیش کرتا ہوں، شہید جنرل اسلم بلوچ، شہید جنرل عبدالرازق کے دوست تھے۔
ان کا مزید کہنا ہے کہ شہید اسلم بلوچ کا سفر ہمیشہ جاری رہے گا۔ جب تک بلوچ عوام کو پنجاب سے آزادی نہیں ملتی افغانستان کے لوگ ان کے ساتھ کھڑے ہیں۔
د شهيد جنرال عبدالرازق د لاري د ملګري شهيد جنرال اسلم بلوچ د شهادت لومړي تلين دي ټولو ملتپالو بلوچانو او افغانانو ته مبارک وي.
د شيهد اسلم بلوچ لاره به تل ادامه لري.
تر څو بلوچ قوم له تور پنجاب څخه ازادي تر لاسه کړي
د لوی افغانستان ټول ولس تاسو ولاړ ده.#AslamBaloch #اسلم_بلوچ pic.twitter.com/G1XdQfVrgN— Tadeen Khan Achakzai تادين خان اچکزي (@TadeenK) December 28, 2019
واضح رہے تادین خان اچکزئی کو ان کے بھائی جنرل رازق کے شہادت کے بعد قندھار پولیس کا سربراہ مقرر کیا گیا، جنرل عبدالرازق گذشتہ سال اکتوبر میں گورنر قندھار کے باڈی گارڈ کے ہاتھوں قتل ہوگئے تھے جبکہ افغان حکام کے مطابق انہیں قتل کرنے کا منصوبہ سرحد پار سے کیا گیا تھا۔
مزید پڑھیں: اسلم بلوچ ’’ایک بلوچ جنرل‘‘ – ٹی بی پی خصوصی رپورٹ
تادین خان کا کہنا تھا کہ شہید اسلم بلوچ ہمیشہ کہتے تھے کہ شیر کی ایک دن کی زندگی گیدڑ کی دس سال کی زندگی سے بہتر ہے۔
انہوں نے آخر میں کہا کہ بدلہ اور انتقام اب بھی زندہ ہے، قوم پرست اور بلوچ قوم آپ کی خواہشات کو پورا کریں گے۔
