بلوچ ءِ گیرت لگت مال انت بلے مارا سما پِر نیست
نبشتہ: زُبیر دشتی
دی بلوچستان پوسٹ
من ءَ سک اپسوز بیت کہ بلوچ ءِ گیرت لگت مال انت بلے مئے راج ءِ ورنایاں سما پِر نیست همے نبشتہ کار کُجا انت مروچی بلوچ ءِ گیرت لگت مال انت بلے ورنایاں سما پِر نیست، دگہ وھد ءَ همے نبشتہ کارانی دست دارگ نہ بنت، بلے مروچی پرچا گار انت؟
من چندے روچ ساری چاگردی رسانکدار(سوشل میڈیا) ءِ تہ ءَ دیست کہ یک اکسے دو جاگہ انت کہ یک جاگھے ءَ لهتے دُز انت کہ هندی پهازدار اِش گیپتگ انت ءُ ھمے دزاں وتی دیم چیر داتگ اَنت ،بلےدگہ یک جاگھے ءَ چار بلوچ زالبول انت کہ هندی پهازدار اَنت کہ دزاں گیپتگ ءُ آوانی دیم ءَ چندے کوهنیں سلاه اِش ایر کُتگ ءُ آوان ءَ گُشتگ کہ اے B L F ءُB L A مردُم انت ءُ آوانی دیم زاهر انت ءُ اکس اش شینگ اَنت.
منی واجهیں براتاں اے تهنا زالبولی اکس نہ انت کہ چاگردی رسانکدار ءَ شنگ انت بلکیں اے بلوچ ءِ لج انت کہ مرچی شنگ انت اے بلوچ ءِ گیرت انت کہ شنگ انت ،اے بلوچ ءِ ننگ انت کہ چو شنگ انت، مرچاں کُجا انت هما واجہ کہ سر ءَ پاگ بند انت ءُ گُش انت کہ ما لجیں گهارانی مرچی تئی لج کُج انت، مرچی تئی گیرت کُج انت ،مرچی تئی ننگ کُج انت، مرچی تئی ازت کُج انت پہ سر ءِ پاگ بندگ ءَ ءُ ما لجیں گهارانی گُشگ ءَ تئی لج نہ بچ اِیت بلکیں ترا وتی لج وت بچارینگی انت، منی همبل
همت کن ،منی همبل وتی لج ءَ پهریز، وتی ننگ ءَ پهریز پرچا کہ اگاں مرچی تو همت نہ کت وتی ازت وتی گیرت پچ نگپت گُڑا تو بِھ وتی لج ءَ پهریز ات نہ کن ئے ءُ اگاں مرچی تو همت نہ کت گڑا تئی آؤکیں پدریچ ترا ملامت کنت ءُ گُش ایت کہ لھنت بات منی پت ءُ پیروکاں کہ منی مات یک دریں کومے ءَ بے ازت کُتگ ءُ آهاں نشتگ ءُ بس ندارگ چار اِتگ۔
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
