پاکستان میں فائبر آپٹیک کیبلز میں پیدا ہونے والی خرابی کو دور کر لیا گیا اور انٹرنیٹ سروس بحال ہوگئی
پی ٹی سی ایل ترجمان کے مطابق گذشتہ روز انٹرنیشنل سب میرین کیبل میں خرابی کی وجہ سے پاکستان میں انٹرنیٹ سروسز متاثر ہوئیں اور صارفین کو سلو براؤزنگ کا سامنا کرنا پڑا تاہم ترجمان کے مطابق زیر سمندر دو فائبر اپٹک کیبلز میں فالٹ کو ٹھیک کرلیا گیا اور ملک میں انٹرنیٹ سروس مکمل بحال کر دی گئی ہے۔
ایس ایم ڈبلیو 4 کو صبح 1 بج کر 35 منٹ پر جبکہ آئی ایم ای ڈبلیو ای کو صبح 4 بج کر 13 منٹ پر بحال کر دیا گیا۔
ترجمان کے مطابق مرمتی کام کے بعد اس وقت پاکستان بھر میں انٹرنیٹ خدمات مکمل طور پر بحال ہیں۔
