نصیر آباد کے علاقے میرحسن میں سیاہ کاری کے الزام میں مسلح افراد نے ایک شخص کا گلہ کاٹ کرگاؤں کے قریب لاش کودفنا دیا۔
نصیرآباد کی تحصیل چھتر کے پولیس تھانہ میرحسن کے گوٹھ محمد اکبر کھوسہ کے قریب مسلح افراد نے مبینہ سیاہ کاری کے الزام میں چھ روز قبل الہی بخش ساوندکاگلہ کاٹنے کے بعد گاؤں کے قریب لاش کو دفنا دیا۔
خفیہ اطلاع ملنے پر پولیس حرکت میں آگئی اورگوٹھ اکبر خان کھوسہ پہنچی جہاں پر علاقہ مکینوں کی نشاندہی پر گڑھے کو کھودکر لاش برآمد کر کے ہسپتال پہنچادی گئی جہاں ضروری کاروائی کے بعد لاش ورثہ کے حوالے کرملزمان کی تلاش شروع کردی گئی۔
