گِیدی ءَ کِسھے نوک کُت
نبشتانک – بابا جی آر بلوچ
دی بلوچستان پوسٹ
مروچی مئے زِر ءِ چول گیشتر جَھل ءُ بُرز بوان اَنت ءُ پَھر بندگ ءَ اَنت ءُ ھمے سکین دیان اَنت کہ منی نیلّیں زر ءُ گنجیں دیار ءِ پھازوکان ءُ ملّیں نرمزاراں من ءَ مھکم داشتگ ….!!!
ءُ منی ڈولدار کنگ ءَ ھچ پد نہ کنزگ ءَ اَنت ءُ مروچی یکبرے پد ءَ تیاب دپ پہ شادان گْوانک جنت ءُ گُش اِیت منی زیبائی پہ چین ءُ اِیندگہ دری ملکاں نہ اَنت …!!!
من اگاں سینگارگ باں گُڑا بلوچ نرمراز زندگ اَنت پہ منی شوک ءُ سینگار کنگ ءِ واستا ءُ گنجیں تیاب مروچی شھیدیں سالونکاں اَنچش شادان کُتگ كہ آئی ءِ چول ھچ بندیگ نہ اَنت ءُ مروچی زر ءِ چول اَنچش بُرز ءُ بالا اَنت کہ سرجمیں گْوات در ندارگ ءِ چارگ ءَ سیر نہ بیت ءُ اجکہ اِنت کہ مروچی تیاب چے ءَ چو لیڑو ءَ مست اِنت وھدیکہ کہ سرپد باں کہ بلوچ سرمچنڈاں دری مھلوک ءِ سر ءَ اُرش کُتگ ءُ ساوڑ چو جمبری گرند ءَ گرندان اِنت …!!!
ھمے داب ءَ گْوستگیں روچ ءَ پِدائیاں پہ وتی پِدا کنگ ءِ واستا نیلّیں زِر ءِ لمب ءَ گوں گُرّوکیں توپکاں ءُ مزن بْرمشیں بمباں چو شاھین ءَ (Five Star) بزان پنچ استالیں ھوٹل ءَ ایر دات ءُ چو ربّال ءَ دگنیا ءَ جْوانیں کلوھے دات کہ برگیڈ شھید مجید ءِ ءُ شھید جنرل اسلم بلوچ ءِ کاروان ھچ پیم ءَ اوشت ءِ آماچ نہ بیت ءُ تا یک بلوچے ھست آھانی بلوچی زھرگ مان آ چو نھنگ ءِ کور ءَ دیم ءَ روت ءُ وتی راہ ءَ پچ کنت….!!!
اَنچُش شھید ریھان جان کہ چینیانی بس ءِ سر ءَ اُرش کنت ءُ جھان ءَ گوں اُرش ءَ جکسین اِیت ءُ دلیریں رئیس جان ءُ ازل ھان ءُ رزاک جان ءَ کہ جوانمردی چینیانی کونسلیٹ سر ءَ اُرش کت ءُ راج ءِ آواز کُنڈ کُنڈ ءَ سر کنان ءُ جنگ دیاں بنت تا بلوچ سرڈگار ءَ نمیران بنت ….!!!
ءُ مروچی پد ءَ شھید اسد بلوچ ءَ گِیدی ءَ پیگامے دات کہ مَل مزار زِندگ اَنت ءُ در ملکی تورُم ءَ چہ وتی مسکیں ڈگار ءَ کَشَّگ ءَ ھچ پچ نہ کنز اَنت …!!
ءُ شھید ھمل پتھ ءَ پد ءَ ھمل ء جیند ءِ کسہ نوک کُت ءُ یک کلوھے دات کہ ھمل ء جیند ءِ سَسَّا اَنگت زِندگ اِنت ءُ پرنگ بہ بنت یا چینی ھچ کَس ما وتی نیلّیں زِر ءَ ءُ سمبھینتگیں وتن ءَ نیل ایں …!!!
ءُ شھید کچکول ءَ پہ کندگ ءُ ٹھک سالونکی مرگ وتی اَمباز ءَ کُت ءُ پِگر تا ابدمان زندگ داشت…..!!!
شھید منسِب ءَ گوں کسانیں بالاد ءَ سرجمیں جھان ءَ ھمے پیش داشت کہ منی زندگ بوگ المَّی نہ اِنت بلکیں ماتیں وتن بلوچستان ءِ سینگارگ گوں منی ھون ءَ اَلمّی اِنت….!!!
مروچی پَد ءَ شھیداں پی سی ھوٹل ءِ سر ءَ اُرش کُرت ءُ وتی ھوناں گوں سرزمین رجینت ءُ شھید برگیڈ مجید سَسّا زندگ داشت ءُ تا گِیدی ءَ نمیران بیت اَنت …!!!
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
