پِدائی سنگتانی ھِمت ءَ سھر چکیں دْروت
اکیل مراد
دی بلوچستان پوسٹ
پَریتگیں بامے ءَ استال ءِ شمینتگ
نوک سھبیں برمشے ءَ بیگاھیں ودینتگ
ھمے ھِمت ھمے ھاٹیگ بلوچ ءِ جنز ءِ مان زمان اِنت ،مروچی دنیا ءِ مھلوک ءِ چمّاں اے سابت بیتگ کہ بلوچ وتی زمین ءِ سر ءَ چہ ابرم ءِ نیمگ ءَ یک گوچنے ءِ دیگ ءَ ھم جاڑیگ نہ اِنت.
بلوچ ءَ را نپس کشیں ارواہ ءَ مان اِنت، اشی ءِ پدرائی ءَ کنگ ءَ اِنت، بلوچ وتی سِنگ ءَ کسے ءَ را مپت ءَ دات کُرت نہ کنت، کجا یک بلاھیں نِل بوھیں زِر بکشاھگ بیت ،ھمل ءَ گوں پرنگاں جنگ داتگ ءُ نِل بوھیں زِر ءِ پھزداری کرتگ.
بلوچ کجام منّ اِیت بے پونزے بئیت ءُ بلوچ ءِ مڈیانی سر ءَ وتی پونز ءَ بُرز بہ کنت. شھید جنرل استاد اسلم بلوچ ءَ گْوشتگ اَت کہ مئے دست ءَ گیش جنگ دشمن ءِ دست ءَ اِنت، آ جنگ ءَ کجام وڑ ءُ رِیپکاں برگ لوٹ اِیت؟
آ چِک ءَ زُلم ءُ زوراکی کنت، ما ھمینکس برانز پہ پرائی ءَ گِر اِیں، بس ھمے کساس ءَ آ سبک بہ سِک اِیت ءُ بزانت جنگانی مانزمانی چی ءَ گُش اَنت؟
مروچی شھید جنرل استاد اسلم بلوچ ءِ وڑیں بامردانی ھما پنت ءُ سکین اَنت کہ بلوچ ورنا گوادر ءِ وڑیں مُھریں جاھے ءَ پُترت کَن اَنت، یک مزنیں ھِکمت املی ءَ وتی جنگ ءَ داشت کُرت کن اَنت.
دو روچ ءَ گوادر ءِ وڑیں بندیں جاھے ءَ ھرنیمگ ءَ تْرندیں سیکورٹیانی اوشتگ ءَ ابید بلوچ یاگی پاکستان ءِ بستگیں شاھی مِھل ءِ تہ ءَ پُترتگ ءُ بازیں کلاکاں گوں دشمن ءَ دیم پہ دیمی جنگ ایش کرتگ.
بلکیں ایوک ءَ دیم پہ دیمی نہ بیتگ اَنت بلکین ءَ شاھی مِھل ءِ کبزہ ءَ کرتگ ءُ تہ ءَ پُترگ ءَ ھِچ وڑیں زور نہ ایشتگ.
تاں گڈی تیر ءَ گوں دشمن ءَ جنگ دیان بیتگ اَنت، ھمے جنگ ءَ دنیا ءِ دْراھیں پھنات ترس ءِ آماچ کرتگ اَنت ،چِد ءُ پیسر دنیا ءَ باور نہ بیتگ کہ بلوچ جنز ءَ مزنیں تاگت ءُ زور ھست، بَلے گْوستگیں روچ ءِ بیمناکیں اُرش ءَ ھمے پدر کرتگ کہ بلوچ یاگی ھم مزنیں ءُ مھکمیں پِکر ءِ واھند اَنت، ھرکجا آیانی دل بہ لوٹ اِیت اُرش کُرت کن اَنت. وتی نَنگ ءُ ناموس ءُ زمین ءِ پھزداری ءَ دشمن ءِ دْراھیں رِپک ءُ ھنراں بے سوب کرت اَنت.
پِدائی سنگتانی اُرشکاری ءُ چیر جنگی مروچی ھمک بلوچ ءِ دل ءَ سکین ءِ ودینگ ءَ اَنت کہ آؤکیں وھد ءَ بیت کنت کہ دْراھیں اُرشکار دشمن ءِ پروشی ءَ تْرند تِریں گامگیج زرت کن اَنت.
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
