دی بلوچستان پوسٹ نیوز ڈیسک کو موصول ہونے والی آمدہ اطلاعات کے مطابق بلوچستان کے علاقے ڈیرہ مراد جمالی میں بم دھماکے کے نتیجے میں ایک شخص ہلاک اور 9 افراد زخمی ہوگئے۔
پولیس کے مطابق بم دھماکا ڈیرہ مراد جمالی میں مزدور چوک پر ہوا جس کے نتیجے میں ایک شخص ہلاک ہوگیا۔
دھماکے کے نتیجے میں 9 افراد زخمی بھی ہوئے، جنہیں علاج کے لیے ہسپتال منتقل کردیا گیا۔
واقعے کے بعد پولیس نے علاقے کو گھیرے میں لے کر شرپسندوں کی گرفتاری کے لیے سرچ آپریشن کا آغاز کردیا۔ پولیس کے مطابق بم ایک موٹر سائیکل میں نصب تھا جسے ایک دکان کے باہر دھماکے سے اڑایا گیا۔
