آواران : چوتھے روز بھی فوجی آپریشن جاری

144

آواران کے مختلف علاقوں میں فورسز کی جانب سے گھروں پر چھاپے

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع آواران میں پاکستانی فورسز کی جانب سے چوتھے روز بھی فوجی آپریشن جاری ہے۔ دوران آپریشن مختلف علاقوں میں گھروں پر چھاپے مارے جارہے ہیں۔

تفصیلات کے مطابق 23 ستمبر سے شروع ہونے والے فرنٹیئر کور کے آپریشن میں شدت لاتے ہوئے درمان بھینٹ،وادی آزاد،چہگردی، توشتری،جھکرو،سورین،قندھار،چہکول سمیت دیگر علاقے مکمل طور پر سیکیورٹی فورسز کے محاصرے میں ہیں۔

علاقائی ذرائع کے مطابق چار روز سے جاری آپریشن میں زمینی فوج کی بڑی تعداد نے آواران کو چار اطراف سے گھیرے میں لے کرعام آبادیوں میں لوٹ مار کے ساتھ پہاڑی علاقوں میں اندھادھند مارٹر کے گولے داغے جا رہی ہیں۔

تاہم مکمل فوجی محاصرے کی وجہ سے نقصانات کی تفصیلات میں آنے میں دشواری پیش آرہی ہے۔
واضح رہے ضلع آواران اور اس کے آس پاس کے علاقوں میں اکثر فوجی آپریشن ہوتے رہے ہیں ، جن میں وقتاً فوقتاًشدت لائی جاتی ہے۔