بی ایس او آزاد ورنائیں لیڈر انگت بیگواہ اَنت
نبشتہ کار: سُہراب بلوچ
دی بلوچستان پوسٹ
پُورائیں دنیا ءِ تہا چونیں انسان ءِ کہ بیت ھما انسان ءَراَ بُنکی ھَک است آجو بوھگ ءِ ھَک اَست بزانت کہ اَگاں کجام وڈیں ھم بنی آدم ءِ نسل ءِ کجام ھم کوم ءِ دومی کوم ءِ ایر دست بیت گُلام بیت گُڑاکُرانی، مزہبی سرپ ءَ پاک ءُ پلگاریں انسانانی رد ءَ آ کوم بے پاکیں قوم ءِ زانگ بیت۔
ھمے ءَ رنگ دُنیا ءِتہا کجام ہم قانون بہ بیت یا کُجام ہم مزہبی ءُ اسلامی شرعیت بہ باں ھما چیر دستیں راج ءَ چیردستیں کوم ءَ موُکل دنت کہ پہ وتی بُنکی ھَکاں راجی آجوئی ءِ لوٹ ءُ گزرانی بابت ءَ جھد بکن۔
اگاں آجہد ءِ راہ ءَ ترا تئی جان ءِ کُربانی دیگ کپت چک ءُ پد مہ بو ھمے رنگ ءَ اگہ ما بلوچ کوم ءَ ہم بچارانت بلوچ کوم ہم دنیا ءِ توکا یک قوم ءِ بستار ءَ زانگ بیت آئی ءِ وتی یک جتائیں زبان ءِ وتی دود ءُ ربیدگ بستارے ءُ جتائیں سرڈگار ءِ مالک ھم است۔
ھما سرڈگار کہ چہ مال ءُ دولت ءَ پُر گنجین سرڈگار زانگ بیت بلے ریاست ءِ پاکستان ءَ پہ زور بلوچ ءِ پُر گنجین سر ڈگار بلوچستان ءِ سرا کبزہ کتگ ءُ بلوچ راج پہ زور وتی ایردستیں راج جوڑ کُتگ وتی گُلام جوڑ کُتگ۔
اگں ما بلوچ قوم ءِ ھما گوستگیں تاریخ ءَ چم شانک ءِ بدی ایں ءُ بچاریں بلوچ ءَ کدی ہم زالم ءِ دیم ءَ سر جہل نہ کُتگ ءُ ایردستی نہ منیتگ ھمے رنگ ءَ بلوچ ءَ پاکستان ءِ ہم گلامی ءُ ایردستی نہ منیتگ۔ بلوچ ڈیھہ ءِ پرزند پہ ایمنی لوگ ءَ نہ نشتگ بلکیں پاکستان زور کبزہ ءِ ایردستی ءِ ھلاپ ءَ جنگ اش بندات کُرتگ۔
استانءَ اے جنگ ءِ ھتم کنگ ءِ ھاترا مزنیں وڈ وڈ ایں رِپک ءُ ھُنر کار مرد کُتگ بلوچ آجوئی ءِ جنگ ءَ بند بوھگ ءِ اوُشت ءِ نام نہ زانت ءُ بلوچ ءِ جہد دیم پہ وتی منزل ءَ روان انت۔
ھمے درمیانجی ءَ بلوچ ءِ آجوئی ءِ جہد زانت ءُ زانگ ءِ کمی ءِ جوانیں ءُ مھکمیں گل ءُ پارٹیانی نہ بوھگ ءِ سوب ءَ کمزور بوت بلے بلوچ ءِ آجوئی جہد گوں وتی مورینکی گام ءُ دیم پہ منزل ءَ جنزان ات وھدے کہ بلوچ آجوئی ءِ جہد 2000 دہک ءَ اھت ءُ سر بوت گُڑا بلوچ ءِ ورناہاں جھد ءَراَ گوں سیاسی سائنسی عملی ادارہ ءُ راجی گُلانی دروشم ءَ دیم ءَ آورت ھمے راجی گلانی جوڑ کنگ ءِ ھاترا تحریک ءَ مھکم کنگ ءُ بلوچ راج ءُ بلوچ ورناہانی تہا غلامی ھلاپ ءَ نفرت ءُ راجی آجوئی ھاترا جہد کنگ ءُ سرپدی دیگ ءِ ھاترا بلائیں کساسے ءَ بلوچ ءِ لیڈر ءُ ورکراں قربانی دات۔
بلوچ قوم ءَ اے رنگیں مھکمیں پارٹی ءُ تنظیم دات اے نون بلوچ قوم ءُ بلوچ ورناہانی سرا مزنیں زمہ واری ءِ جوڑ بیت کہ آچوں ھمے پارٹیاں ءُ تنظیم ءَ مھکم کن انت اگاں ما گُشان کہ ابید چہ قومی پارٹیان ما بلوچ قوم ءَ را آجوئی گُپت ءُ دات کن انت اےسیائیں دروگ ءِ او گون وتی راجی شہیدانی ھوناں مزاک کنگ ءِ برابر انت
اگہ مالوٹین کہ ما وتی قوم ءَ آجو بکن انت گُڑا مئے سرا اولی ءُ آکری مستریں زمہ واری ھمیش بیت گیش ءَ چہ گیش وتی قومی ادارہ ءُ پارٹیاں مھکم بہ کن انت مرچی ما بچارانت کہ ریاست پاکستان بلوچ آجوئی ءِ جہد ءِ کاونٹر کنگ ءِ ھاترا وڑ وڑیں پندل سازی کنگ ءَ انت برے مئے جہد ءَ مزہبی شکل دنت ءُ برے بلوچ ءَ را ٹک ءُ ٹولیانی بُن ءَ بہر ءُ بانگ کنگ ءِ جہد ءِ کنت بلے اے دُرائیں رِپک ءُ ھُنر ناکام بوھگ ءَ انت۔
ریاست ءِ اے دُرائیں بلوچ ءِ جہد ءِ ھلاس کنگ ءِ ھاترا سازتگیں رِپک ءُ ہُنر ناکام کنوک بلوچ ءِ ھما سیاسی پارٹی ءُ اداراہ انت۔
ریاست ءَ ھمے ماریت کہ ابیدے چہ بلوچ ءِ سیاسی پارٹی ءُ ادارہانی ھلاس کنگ ءَ بلوچ ءِ آجوئی جہد ءِ ھلاس کنگ نبوتگیں گپ ءِ ریاست ءَ وتی ھمے بدیں پکر ءُ لیکہ ءِ دیم ءَ برگ ءِ واستہ بلوچ نودربر گل BSO Azad ءِ سرا پابندی جت ءُ بلوچ سیاسی ورناہانی چست کنگ بندات کُرت بلے آجوئی جہد ءَ پُشت ءَ کنزگ ءِ نام ھم نہ زانت انگت دیم ترا روان بُوت وھدیکہ ریاست پاکستان ءَ بلوچ ءِ جہد ءَ را اے دُروشم ءَ دیمروئی دیست گُڑا بلوچ ورناہانی زانگولین لاش ءِ دور دیگ بندات بوت۔ لہتیں انچیں لاش کہ پجا آرگ ہم نہ بوتگ انت اے لاش ءَ ناں مسک کنگ ءُ دور دیگ ءِ سبب امیش ات کہ بلوچ جہد کار چہ آجوئی جنز ءَ دست کش بِباں چوش کہ بلوچ راجی سروک واجہ گلام مھمد ءِ لاش گوں شیر مھمد ءُ لالا منیر ءَ دور دات ءَ 9 اپریل 2009 ءَ ریاست ءِ اؤلی مارو اور پھینکو پالیسی ءِ شروعات ات پدا ھمے رنگ ءَ ریاست ءَ ھمے پالیسی ءِ سرا کار کنان ءَ روچ ءِ مروچی تاں جاری ءُ ساری انت ۔
دیم ترا بلوچ وانندہ گل بی ایس او آزاد ءِ مسترین کمک کماش واجہ زاکر مجید ءَ ھم چہ پڈنگ ءَ آباد مستونگ چست کُت گار ءُ بیگواہ کُت روچ ءِ مروچی گار ءُ بیگواہ انت آئی ءِ گُہار فرازانہ مجید پہ زاکر جان ءِ آجوئی ءِ ھاترا ءُ منطر ءِ عام ءِ آرگ ءِ ھاترا گون پیر مردیں کماش ماما قدیر ءَ دو ہزار ءُ پنچ صد، کلو میٹر پیدل پند بُریت تاں اسلام آباد ءَ رؤت انگت زاکر جان آجو بیت نہ کہ منظر ءِ عام ءَ کئیت چہ ریاست ءِ دست ءَ ءُ ھمے رنگ ءَ کسان سالیں علی حیدر پہ وتی پت رمضان ءَ سمی پہ وتی پت ڈاکٹر دین محمد ءِ آجوئی ءِ ھاترا ھم دو ھزار کلو میٹر ءَ بُرز پند بُر انت تاں اسلام آباد ءَ رواں۔
دُرائیں پریس کلبانی دیما بھوک ہڑتال ءُ زہرشانی کن انت کوئٹہ، کراچی ءُ اسلام آباد درائیں پریس کلبانی دراں ننداں ءُ وتی ھبراں پاکستان ءِ دیما کناں بلے ھچ گپ مَنّگ ءُ گوشدارگ نبنت چونا ءَ گپ ہما جاگہ ءَ گوش دارگ بیت کہ آ ھودا انسانی زند ءَ را قدر بیت۔
بلوچ گار ءُ بیگوئیں مردمانی ادارہ دی بلوچستان مسنگ پرسنز ءِ گُشگ اِنت کساس چِل ھزار ءَ چہ گیش بلوچ پُسگ گار ءُ بیگواہ انت آوانی توکا پانزدہ ھزار ءَ چہ گیش لاش دور دیگ بوتگ ریاست پاکستان ءِ نیمگ ءَ چہ بلے دنیا ءِ انسانی ھکانی گپ جنوک ءِ ادارہ ءُ بنی آدماں ھاموشی ءِ روچگی داشتگ پرچہ کہ بلوچ یک ایردستیں راجیں۔
اگاں آزاد ءِ ملک ءِ توکا یک کسانیں چیز ءِ تاوان بار بیت گُڈا تیوگیں دنیا ءِ میڈیا ھما گپ ءَ سر ءَ زوراں کہ پلان چیز چو تاوان بار بوتگ بلے بلوچ ءِ بازیں ورنا کماش زھگ ءُ زالبول گار ءُ بیگواہ انت کس اُؤن ہم نہ کنت چل ھزار دپ ءِ کاریت اے چونیا چل ہزار بلوچ مات ءِ ھما چُک ءُ پرزند انت کہ وتی مات ءَ نا ڈنہ روچ ءِ سرا گردگ ءَ چَرگ ءَ دل نبوتگ انت ھما بچ مرچی ریاست ءِ ٹارچر سیلانی تہا وڑ وڑیں ازیت برداشت کنگ ءَ انت باریں زندگ انت کہ ناں باریں ایشانی توکا چنچو گُھارانی چم پہ وتی لاڑوکیں براتانی راہ ءِ چارگ ءَ کور بوتگ ءُ باریں چنچو بلوچ ءِ چک پہ وتی پت ءِ ودار ءَ نشتگ ءُ اے ہم یکین ،دلجم نہ انت کہ پت زندگ انت یا کہ شہید بوتگ ھمے رِدا گار ءُ بیگوائیں مردمانی 18 مارچ 2014 پاکستان ایف سی ءُ چیریں اداراہ چہ شال ءَ بی ایس او آزاد ءِ چیئرمین زاھد کُرد پنام ءِ بلوچ خان ءَ چست کنت گار ءُ بیگواہ کن انت آئی آجو کنگ ءِ ھاترا بی ایس او آزاد اے سنٹرل کمیٹی ءِ باسک لطیف جوھر داں 46 روچ ءَ تادم مرگ بھوک ہڑتال ءَ نندیت بلے اے ریاست بلوچ خان ءَ یلہ نہ دنت پدا 4 اکتوبر 2016 چہ کیچ ءِ دمگ گورکوپ ءَ بلوچ نودربر گل بی ایس او آزاد ءِ بنجائی انفارمیشن سیکرٹری شبیر بلوچ پنام لکمیر جان ءَ پاکستان ءِ سیکورٹی فورسسز چست کنت پہ لکمیر بلوچ ءِ آجو بوھگ ءِ واستہ آئی گُھار سیمہ بلوچ ءَ انسانی حقانی گپ جنوکانی کُلانی ، درستانی در ٹک اینتگاں بلے شبیر بلوچ تنیگ ءَ ھم گار ءُ بیگواہ انت ھمےردا 15نومبر 2017 ءَ پاکستانی رینجرز ءُ چیریں ادارہانی کارندہ کراچی ءَ گلشن اقبال موسومیات ءَ لوگ ءِ سرا اُرش کت ءُ بی ایس او آزاد ءِ بنجائی کار گُشاد ثنااللہ بلوچ سنٹرل کمیٹی باسک نصیر احمد ءُ حسام بلوچ ءَ گومیشاں ھوار بی این ایم ءِ باسک رفیق بلوچ ءَ چست کُرت روچ ءِ مروچی نوماہ سرجم بوگءَاِنت بلے انگت گار ءُ بیگواہ انت۔
نصیر جان ءِ کسانوکیں جنلوک ماھرنگ منی چمانی دیما انت مدام چو آ دگہ بلوچ ءِ چکانی رنگ ءَ چم ءِ پہ وتی پت ءِ راہ ءَ بندوک انت کہ کدیں منی پت واتر کنت اے دُرائیں بے گناہیں بلوچ وانندہ ءُ لس مہلوک مردم برگ ءُ گار بیگواہ کنگ ءَ ریاست پاکستان ءِ مول ءُ مراد ہمیش انت کہ من بلوچ ءَ را ترس ءُ بیم ءَ دیاں ءُ بلوچ راجی آجوئی جنز ءَ را اوُشت ءِ آماچ کناں اے پدریں گپ اِنت کہ راجی آجوئی ءِ جہد پہ گار ءُ بیگوہ کنگ شہید کنگ لاش ءِ دور دیگ ءَ گوں اوشت ءِ آماچ نبیت ءُ گیشتر دیما رواں کنت پرچہ ھالات چیکس ترُند بنت انقلابی جہد امنچو مھکم ءُ توان ءَ تر بیت۔
بلوچستان آجوبات
