بالگتر آرمی کیمپ میں چودہ اگست کی تقریب کے دوران حملہ
دی بلوچستان پوسٹ ویب ڈیسک کو موصول ہونے والی اطلاعات کے مطابق بالگتر نلی میں فورسز کے کیمپ پر نامعلوم افراد کی جانب سے راکٹوں سے حملہ کیا گیا۔
علاقائی ذرائع کے مطابق حملہ اس وقت ہوا جب کیمپ میں چودہ اگست کی تقریبات جاری تھیں۔
دھماکوں اور فائرنگ کی آواز سے پورا علاقہ گونج اٹھا جبکہ غیر مصدقہ اطلاعات کے مطابق جانی و مالی نقصانات کا خدشہ ظاہر کیا جارہا ہے۔
واضح رہے کہ بلوچستان کے مختلف علاقوں میں 14 اگست کے تقریبات پر حملے کیے گئے ہیں۔ اسی طرح کے ایک حملے میں آج نوشکی میں درجن سے زائد افراد زخمی ہوئےہیں۔
