بی این پی مینگل کے رہنما نے الزام لگایا کہ اُن کےمخالف اُمیدوار کو پاکستان آرمی کی پشت پناہی حاصل ہے
دی بلوچستان پوسٹ نیوز ڈیسک کو موصول ہونے والی ویڈیو میں بلوچستان نیشنل پارٹی کے رہنما حمل کلمتی نے الزام عائد کیا ہے کہ اُن کے مخالفین کو پولنگ اسٹیشن میں جانے اور غلط ووٹ ڈالنے میں سیکورٹی فورسز مدد کر رہی ہے ۔
تفصیلات کے مطابق ایک بی این پی رہنما کی جانب سے جاری ایک مختصر ویڈیو میں اُنکا کہنا تھا کہ اُنکے مخالف منشیات فروش ہے اور وہ پولنگ اسٹیشنز کے اندر موجود ہے ، جبکہ اُنھیں فورسز کی جانب سے پولنگ اسٹیشنز میں داخل ہونے کی اجازت نہیں دی جارہی ہے۔
بی این پی رہنما کا کہنا تھا کہ ڈور گٹی میں خواتین پولنگ اسٹیشن میں اُن کی مخالفین کی ہمشیرہ موجود ہے جو کہ غلط ووٹ ڈلوا رہی ہیں۔
اُنکا مزید کہنا تھا کہ اُنھوں نے ڈپٹی کمیشنر اور دیگر حکام کو بھی اطلاع کر دی کے وہ انتخابات کے عمل کا خود جائزہ لیں ۔
