پنجگور میں مسلح افراد کا فورسز کی کیمپ پر حملہ
دی بلوچستان پوسٹ ویب ڈیسک کو موصول ہونے والی اطلاعات کے مطابق پنجگور کے علاقے کیلکور کے مقام پر نامعلوم مسلح افراد نے فرنٹیئر کور (ایف سی) کے کیمپ پر حملہ کیا۔
حملے میں فورسز کو جانی و مالی نقصان اٹھانے کا خدشہ ظاہر کیا جارہا ہے۔
علاقائی ذرائع کے مطابق مسلح افراد کی جانب سے حملے میں چھوٹے بڑے ہتھیار استعمال کئے گئے جس کی وجہ سے پورا علاقہ فائرنگ اور دھماکوں کی آوازوں سے گونج اٹھا، جبکہ علاقائی ذرائع کا یہ بھی کہنا ہے کہ فورسز کی جانب سے جوابی حملے میں مارٹر کے گولے فائرنگ کئے گئے ہیں جن میں سے متعدد گولے عام آبادی پر جا گرے۔
