پاکستانءِگِچینکاریءُبَلوچ
نبشتہ: بابُل لطیف بَِلوچ
دی بلوچستان پوسٹ
موسمءَرنگ مٹاتگءُوھدءَنوکیں جامگ ئے مانپوشتگ بلے واجہءِبَدّیں نیّت اَنگت ھَما دارئے جَمکءَدَرتکگ ،پہ شہیدانی مِسکّیں ہُونانی نیادءَمَرچی پَدا گَریبءُدِرتّہ پُچّیں بَلوچءِکَرگینءُگِدانءِدپءَہُونانی سوداگرءُراج دُژمن اِیں واجہءُمیر چو پکیرءَسَداکشگءَاَنت پَہ ووٹءِپِنڈگءَ.بَلے! اےشہیدانی ہُون اِنچو اَرزان نَہ اَنت کہ ووٹءِدئیناں بُرو اَنت بلکیں ہُونانی مُز آجوئی اِنت.
شُماوتئی گوستگیں کارپداں شموشکار مَہ بئیت کہ بَلوچ پُسّگانی شہید کنگ،ماتانی تاسُپیں بَچّءُگوہارانی لاڑُوکیں براتانی گارءُبیگوائی،ٹَپّءَٹوریں جونانی چَگل دَیگءَشُمئے دَست مان اِنت.پَہ نام بَلوچءُکار دُژمنءِشُمئے اے دروشم مرچی پَدّرءُآژناہ بوتگ چِدءُگیش اِسپّریں اُپّار ودارءِچیکوءَنَہ چَنڈینیت کہ شُما ہَرچی بِکن اِتءُبَلوچ راج تَماشائی بِہ بیت،بلکیں نوں شَر سَرپد بِہ بئیت کہ شَتل کاری،لُچّیءُداسی،ناسرجمیں کار پَہ گیگءُگور نَہ بَنت.ما کُل سَرپد اَنت کہ شُمئے اَنوگیں آپریشن،زُلمءُزُوراکی پَہ ھَمے ہاترا کہ دُوھَزار سیزدہءِالیکشنءِکمیانی پُورا کنگ اِنت کہ دُوھُزار اَژدہءِالیکشنءَجَہانءِدِیما شَریں وڑئےءُپَدّر بِکن آںءُمیان اُوستمانی تَکءُپَہناتءَوتئی گوستگیں نُکسءُتاوانءَگوں سیتءُنَپءَبَدل بِکن آں…اے ھَم راستے کہ دُوھزار اَژدہءِالیکشن پَہ پاکستانءَمَزنیں اَرزشت ئے دارایت کہ دُگنیاءِچَمّاں آ اے گِچینکاریءَشَریں وڑئےءُسُوبین کنگءُپیشدارگ لوٹ ایت کہ دُگنیا اے گپءَباور بکنت بلوچستانءِاَسل وارس ھَمیش اَنت کہ ووٹ اِش کٹّتگءُپاکستانی پارلیمنٹءَآتکگ اَنت.آدگہ کہ آجوئی ءِگپءَجَن اَنت پَہ نام،بَلکیں بَلوچءِدُژمن ھَما اَنت کہ دِیمرَوئی کارانی دِیما ڈَنگر اَنت.
چُش کہ اے گپءَدُژمنءُدُگنیا شَر بِزانت پَہ ایردستیں راجےءَچَہ دُژمنءِنیمگا دِیمرَوئی کار ھِچ وڑیں نَپءُسیت،اَرزشءِنَہ دار اَنت.بَلے پَہ بَلوچ سیاسیءُسِلاھ بَندیں گَلاں اے اَژدری اِنت گوں جامعءُمُھکمّیں پالیسی آں دِیما بِیائینت،چیاکہ اے گران ایں بار تَہنا یکّے کوپگاں نَہ اِنت بَلکیں کُلیں راجی گَلانی کُوپگان اِنت پَہ راجی آکبتءَجُہدءُکوشست کنگائینت داں میاں اُوستمانی دَمکاں چَہ بَلوچ راجی جُنزّءِنیمگا شَریں کُلوہءُپِیگامے بُرؤتءُدُگنیا وتئی دِلگوشءُبَلوچءِنیمگا بِہ تَرّینیت.پاکستان ھَرّوچیگیں پَندل،رِپکءُھُنراں پَہ بَلوچ راجی جُنزّءِبے سُوبیءَدَرکپتگ بَلے بَلوچ راج ءُرا گوں یکمُشتیءَکُلیں رِپکءُھُنر بے سُوب کَنگی اَنت.
مُرچی ووٹ پِنڈ کور نَہ اَنت کہ بَلوچ ھُلکہاں چُش اِیں کُڈکءُگِدانءِنیست چَہ دُژمنءِنیمگا زانگولیں جون ئے پَہ سُوگات نَہ رَستگءُیکّے بِیگواہ کنگ نَہ بوتگ گُڑا پَہ کُجام دَپءُآپءَووٹءِپِنڈگءَآدَرءَتُک اَنر مارا ووٹ بِدئیت.اَنگت بے زانگیءِمَرکبءُسَوار اِت کہ ما پَہ شُما چَہ پارلیمنٹءَھَکّ ءُمُزگِریں کاریں،اے ھَپتادسالءِمیانءَبیدئے بَلوچءِچَکچینیءَدگہ چے بَکشاتگ.شُما ھَما مَرداِت گوں بَدّیں نیّتءُدُژمنءِھَمبرائیءَلانک بَستگءُپَہ بَلوچءِگارءُبِیگوائیءَدِگہ ھِچ.
پُرشتگ ایں اُوستءُاُمیتانی چِنَگءُنَزارگ شُمئے وسءُواکی گپّے نَہ اِنت مَرچی بَلوچءِھَر زَھگ،زھگ سوھُو اِنت کہ شُما ھَما دژمنءِھَمرکاب اِت کہ آ مئے راجءِاَزلّی دُژمن اِنت.شُمارا بِگندئے وتئی چِلءُپُولِنگ نِگاہاں مَیائینت بَلے بَلوچ راج شُمارا شَرئیءَزانت کہ شمئے ءدُژمنءِتَہءَھِچ وڑیں پَرکءُدَرک گِندَگ نَہ بیت.نوں وَھدءَوتا مَٹاتگءُلیکہانی باپُشتءَکِردءُکُربانیانی داستانءَنِبشہ کنت،شُما سَتر وتا پاکدامن بِلیک اِت بَلے دُروگانی بَرجانک چاک،چاک اِنت.شُمارا چو دُژمنءِوڑا گوں اے گُلزمینءِبَزگّیں راجءَمھر نَہ اِنت بَلکیں گوں وتئی لَبءُمَتاہاں ھُبءُواھگءِسَرگنوکی اِنت کہ مِیتگ پَہ مِیتگ،کُڈک پَہ کُڈک سُر کَشان اِت،ووٹ باندا ھَلاس بِیت پُونشی شُمارا کَس نَہ گِندیت کہ کُجا شُت اِت.
چُش کہ بَلوچءَوتئی راہ گِچِتَگءُرھادگ اِنت بَلے شُما وتئی سَواساں آپ بِجن اِت کہ پاکستانی پارلیمنٹ بَلوچءِاُوستءُاُمیتانی مُھکمّیں کَلات نَہ اِنت بَلکیں بَلوچءِبانداتءِوشھالی گوں بے مُلّیں آجوئیءَھَمگِرنچ اِنت.پَمشکہ بَلوچءَگوستگیں الیکشنءَشُمارا پیش داشت کہ منی جُہدءُکُربانیانی مِنزل پاکستانی پارلیمنٹ نَہ اِنت بَلکیں آجوئی اِنت.اے گپ گوں ھِچ کَسءَچیر نہ اِنت کہ اے رَندی پَدا ھَم بے سُوبی اَرجان بئیت،انگت شُما چُنڈ پِنڈیں واجہءُمیر پَہ ہُونانی نُوشگءَدَرکَپتگ اِت کہ پاکستان،پاکستان.اگاں بلوچ راجءَپاکستان بُلوٹ اِتیں گُڑا پاکستانءَرا اے دَر کار نَہ اَت کہ چو رَمگءَپوج ماں بَلوچستانءَبیار ایت.چیاکہ آ وتئی پَدمَنتگّیں پِگرءِکِشارءَآپ دَیگ لوٹ ایت بَلے تیجار نَہ بیتءُچُوڑ نَہ کَش ایت مُرچیگیں بَلوچ وانندہ، پَہوال نَہ اَنت کہ پَہ.تئی ھَوادگیں دانکاں رَد بِہ کَپ اَنت.بَلوچ راجءَتئی بے نَپ ایں ووٹانی آسر پَہ وتا دیستگ اَنت وَھدءِدَستءُچو اَرزانءَبَہا بُوَگ نَہ لوٹ ایت.
دُومی بَلوچستانءَپاکستانءِمَستِریں پُروش ھَمیش اِنت کہ تانسریں ڈیھّے دَمکءُدَراں تُپنگی مانرتکگ اَنت پَرچہ.؟ بَلوچ بَچّاں لَٹءُلَٹ چُوپ بِکن،ماتءُگوہاراں بے شَرپ بِکن اَنگت دِرک بَستگءُپنجاپءِزیمر ساز کُتگ کہ بیا اِت مارا ووٹ بِدئیت.پَہ بیہار اے ھَم بُگش کہ کسّے ووٹ نَہ دنت وتئی ذمہ وار وت اَنت اگاں پوجءَباندا گوں آئیءَچے کُت.منی واجہ زانہ تئی نام گِپتیں پوجءِپیسریگ ایں کَم اَنت کہ اَنگت پَہ بیہارءَچِستءُچابُکءِ،چو سَماءَگور بِکن کہ اے راج چَہ شُمئے دُوتلءُدُوپوست ایں کارپداں شیوارءُسَرپد اِنت نوں شُمئے تولگءُرُوباھی رِپکءُھُنرانی کانیگ آپ نَہ بیت.
منی واجہ نوں پَہ ہُوشءُگوش بِہ بَئیت اگاں پوجءِھَمبرائیءَشُما کاسگ چَٹءووٹ پِنڈ ہَوار اِت پَہ بَلوچ راجءِبیگوائیءَشُما وت گار بئیت.بلکیں بَلوچءَاے توجیل سازِتگ کہ منی زِند آجوئی مَرگ گُلامی،پَمشکہ گُلامیءِھِلاپءَجَنگءُجُہدءِپِڑّءَدَرکپتگ کہ اے بے نَپ ایں ووٹءُالیکشن
مئے ٹپّانی دَرمان نَہ اَنت.
آجوئی زِندگ بات
ووٹءُالیکشن،گُلامی مُردگ بات.
