مکّی ءِ شھیداں سھر چکیں دروت
اکیل مراد
دی بلوچستان پوسٹ
ھون اِش تالان بیت اَنت دست اش نہ لرز اِت سنگر ءَ پاد تراپاں نہ تتک اَنت کنگراں بیم شیری مزاری بَچ اَنت۔
جنگانی مانزمان، گڈ سر ءَ آجوئی ایمنی، وشھالی، آھوکیں پدریچ ءِ دیم ءَ بروکیں بنی آدم اِنت آ کجام رنگ ءَ وت ءَ رکینت کت کَنت آئی ءِ زمہ واری آئی ءِ وتی دست ءَ ایں۔
اگاں جنگاں سر ھلاس بیتیناں گڑا مروچی ویت نام ءَ نوزدہ سد ءُ پنجاہ ءُ نُہ ءَ بہ گر داں نوزدہ سد ءُ ھپتاد ءُ پنچ ءَ جنگ نہ داتگ اَت۔
(ھَنچش زانتکار ءُ نبشتہ کار گُش اَنت کہ ویت نام ءِ جنگ ءَ امریکا پنچ لَک پوجی آھورتگ ءُ ویت نام ءِ ڈنانی سر ءَ ریتکگ ھمے جنگ ءَ ویت نامیانی اشتراکیانی اتھادی سوویت اتھاد ءُ عوامی جمہوریہ چین بیتگ وھدیکہ اشتراکیت ءِ نہ منوک زرباری ویت نامیانی متھدہ امریکا، زرباری کوریا، آسٹریلیا، تھائی لینڈ ءُ نیوز لینڈ ءِ پلامرزی گون بیتگ)
ھمے جنگانی تہ ءَ درستاں چہ گیش گوریچانی ویت نام ءُ ویت کانگ ءَ گیش تاوان بیتگ ۔اشانی مرتگیں پوجانی کَچ یازدہ لَک ءُ ھپتاد ءُ شَش ھزار بیتگ ءُ ٹپیگ بیتگیں پوجیانی کَچ شَش لَک ءَ گیش بیتگ اے جنگ ءِ تہ ءَ زرباری ویت نام ءِ اتھادیاں ھم بازیں کَچے ءَ جانی ءُ مالی تاوان بیتگ۔
اے جنگ داں سِی اپریل نوزدہ سد ءُ ھپتاد ءُ پنچ ءَ زرباری ویت نام ءِ راجدانی سائیگون ءَ برجاہ بیتگ ۔ وھدیکہ گوریچانی ویت نام ءِ سپاھیگاں اشی ءِ سر ءَ اُرش کرتگ ءُ دو جولائی نوزدہ سد ءُ ھپتاد ءُ شَش ءَ ویت نام اتھاد ءُ نوکیں رنگے ءَ جمہوریہ ویت نام دیم ءَ اتکگ سائیگون گوریچانی ویت نام ءِ گوستگیں سروک ہو چی منہ بیتگ مروچی ھم ہو چی منہ شھر منّک بیتگ ءُ مروچی ھم ویت نام ءِ راجدانی گوشگ بیتیں۔
نی ھمے زانگ بیتیں کہ جنگاں چہ سر ھلاس نہ بنت بلکیں سرانی ھلاسی ھما وھدی بیتیں تو وتی چاگرد ءِ تہ ءَ کپتگیں اثراں مہ زان ئے، چاگرد ءِ سر ءَ بیتگیں ارش ءِ گر ءُ دار ءَ مہ کن ئے ھما وھد ءَ تی سرے گاری انت کہ تو گلام ءِ ترا ھمے گلامی لوپ گار ءُ بیگواہ کنتیں پہ کوشگ ءَ تو ھلاس بیت نہ کن ئے، پاکستان ءُ آئی ءِ ادارہ ھمے سماہ کن اَنت کہ ما بی ایل ایف ءِ بنجلاں اُرش کن ایں بی ایل ایف ھلاس بیتیں۔
دشمن ءِ سماہ ءُ ھوش ھَنچش شتگ ءُ ھلاس بیتگ کہ آ سوچ ءُ پِکر ءَ ھلاس کنگ ءُ کَنڈوم کنگ لوٹ اِت مروچی بلوچستان ءِ ھمک دمگ ءَ بی ایل ایف ءِ سنگر جاڑیگ اَنت ھمک دمگ ءَ بلوچ سلاہ بندیں گل جاڑیگاں ھمک روچ دنیا ءِ مزن نامیں تاکتانی تہ ءَ ھواریں پاکستان ءِ فوج ءِ سر ءَ اُرش کنگ ءَ اَنت ۔
ھمک روچ آئی ءِ ھوش برگ ءَ انت ھمک روچ لگوریں دشمن اُرشانی پُشدر ءَ لس مھلوک ءَ نشانگ کنگ ءَ ایں ۔ بَلے گوستگیں روچاں بی ایل ایف ءِ سرمچاراں پیشداشتگ کہ بلوچستان ءِ کوہ ھالیگ نہ اِنت بلوچستان ءِ ھمک ڈوک ءُ کوہانی تہ ءَ سرمچار ءِ اوشتوک انت ھمے روچاں لگوریں لشکر ءَ بی ایل ایف ءِ بنجل ءِ سر ءَ اُرش کرتگ اَت بلے اود ءَ بامردیں سرمچاراں بامردی ءَ گوں جنگ دات بامردی ءَ دشمنیں لشکر بے سوب کرتگ ۔
دشمن ءَ ھمے پکر کرتگ اَت کہ من اے بنجل ءِ سر ءَ اُرش کن آں بلکیں بیت کنت من ءَ توپک گوں سرانی ھوری ءَ دست کَپ اَنت بلے بامردیں بابا ھیر بشک ناز، تلار جان، ناکو جنگیان ءُ شکاری ساربان ءَ کولواہ ءِ دمگ مکی ءَ داں سَے کلاک ءَ جنگ داشتگ اَت ۔
بلوچ ءِ بامردیں بَچاں اے سوگند وارتگ اَت کہ اے توپک اگاں کپ اِت گڑا گوں سرے ھواری ءَ کپ اِت اے ھما ماتانی بچ ات اَنت ھمک روچ زوراکیں لشکر ھمے ماتاں لٹ ءُ کٹانی نشانگ کنت ۔
بلوچ ءِ بامرداں سلام
بلوچ ءِ دوست ءُ دوزواہاں سلام
بلوچ زرمبش ءُ سنگر ءَ نیشتگیں سنگت ءَ سلام
بلوچستان سبز بات
بلوچ سلاہ بندیں گل زندگ بات اَنت
