کیچ میں فورسز کی جانب سے ایک کے بعد دوسرے اسکول اورایک ہسپتال پر چو کیاں قائم
دی بلوچستان پوسٹ نیوز ڈیسک کو موصول ہونے والی اطلاعات کے مطابق ضلع کیچ کے دو اسکولوں اور ایک ہسپتال پر فرنٹیئر کور نے اپنے چوکیاں قائم کر دیئے۔
تفصیلات کے مطابق ضلع کیچ کے علاقے ہوت آباد میں پاکستانی فورسز کی بڑی تعداد نے علاقے کو گھیرے میں لے کر ہسپتال اور سرکاری اسکول کو چوکی میں تبدیل کر دیا۔
بعد ازاں کیچ ہی کے ایک اور علاقے تجابان میں بھی اسی طرز پر فورسز نے علاقے کو گھیرے میں لے کر تجابان سرکاری اسکول کو چوکی میں تبدیل کر دیا ۔
واضح رہےاس سے پہلے گیارہ جولائی کوضلع کیچ کے تحصیل بلیدہ میں میناز کے علاقے میں بھی پاکستانی سیکورٹی فورسز نے ہائی اسکول میں چوکیاں قائم کرکے اسکول کو اپنے کیمپ میں تبدیل کر دیا تھا۔
گذشتہ دو سالوں کے دورانیہ میں بلوچستان کے مختلف دیہی علاقوں خاص طور پر مشکے و آواران اور مکران کے علاقوں میں ابتک درجنوں اسکولوں کو فوجی چھاونیوں میں تبدیل کیا جاچکا ہے۔
