حب چوکی میں ڈمپر کی ٹکر سے ایک خاتون جانبحق اور دو افراد زخمی
دی بلوچستان پوسٹ ویب ڈیسک کو موصول ہونے والی اطلاعات کے مطابق بلوچستان کے سب سے بڑے صنعتی شہر حب چوکی میں ڈمپر کے کچلنے سےخاتون جانبحق جبکہ دو افراد زخمی ہوگئے ۔
تفصیلات کے مطابق حب چوکی کے علاقے گجر گوٹھ میں ڈمپر کی ٹکر سے ایک خاتون جانبحق جبکے دوافراد زخمی ہوگئے ، زخمی ہونے والے افراد کو طبی امداد کے لیےہسپتال منتقل کر دیا گیا ہے۔
واضح رہے ڈمپروں کا آبادی والے علاقوں کے بیچ سے گزرنے اور غیر محفوظ طریقے سے ڈمپر چلانے کے خلاف علاقہ مکینوں نے کئی بار احتجاج بھی کیا مگر ابتک مقامی انتظامیہ کی طرف سے کسی بھی طرح کی کاروائی عمل میں نہیں آسکی ہے ۔
خیال رہے حب ایک صنعتی شہر ہونے کی وجہ سے شہر کا مرکز ڈمپروں اور دیگر بڑی گاڑیوں کا آماجگاہ ہے، لیکن انتظامی حوالے سے کوئی متبادل راستہ نہ ہونے کی وجہ سے روزانہ کی بنیاد پر روڈ حادثوں میں کئی قیمتی جانوں کا نقصان ہوتا ہے۔
