امریکی صدر ڈونلڈ ٹرمپ کا کہنا ہے کہ ایران کسی بھی صورت مشرق وسطی پر کنٹرول حاصل کرنے کی کوشش کر رہا تھا تاہم اب ایسا ہر گز نہیں ہو گا۔ ٹرمپ کا اشارہ جوہری معاہدے سے امریکی کی علاحدگی کی جانب تھا۔
اتوار کے روز اپنی ٹوئیٹ میں امریکی صدر نے کہا کہ “ذرا یاد کیجیے کہ جوہری معاہدے میں ایران نے کس حد تک بُرے برتاؤ کا مظاہرہ کیا۔ وہ کسی بھی طرح مشرق
وسطی کو کنٹرول میں لینا چاہتے تھے … اب ایسا ہر گز نہیں ہو گا”۔
Remember how badly Iran was behaving with the Iran Deal in place. They were trying to take over the Middle East by whatever means necessary. Now, that will not happen!
— Donald J. Trump (@realDonaldTrump) 13 May 2018
یاد رہے کہ امریکی صدر ڈونلڈ ٹرمپ نے 8 مئی کو ایرانی جوہری معاہدے سے دست بردار ہونے کا فیصلہ کیا تھا۔ یہ معاہدہ 2015ء میں بڑی طاقتوں کے ساتھ دستخط کیا گیا تھا۔
ٹرمپ کا موقف ہے کہ جوہری معاہدہ ایران کے مفاد میں تھا اور اس کے ذریعے امن کو یقینی نہیں بنایا جا سکا، ایران کے ساتھ جوہری معاہدے کی منسوخی امریکا کو زیادہ محفوظ بنا دے گی۔
ٹرمپ کا مزید کہنا تھا کہ ایرانی نظام مشرق وسطی میں تنازعات بھڑکا رہا ہے اور دہشت گرد تنظیموں کو سپورٹ کر رہا ہے۔
