۔”بیست ءُ ھپت مارچ” باسکانی جُست ءُ رھشونانی بھتام۔
کریاب بلوچ
دی بلوچستان پوسٹ : بلوچی کالم
شہید چیئرمین غلام محمد بلوچ بلوچ راجءِ تہءَ یک انچیں سروک ئی ات کہ بلوچ جھد ءِ سرا جُست کہ دیما اتکگ گُڑا واجہ گوں ہرکسءَ گپ کنگءَ ساڑی بیتگ. آ گلءِ باسک بیتگ یا نا بلے سنگتانی بیسہءَ گوں مردماں ملاقات کنگءَ ساڑی بیتگ اے منی دیمءِ گپ انت.
من واجہ شہیدءِ گپ ہمے ھاترءَ کُت کہ اے راجی سروکے بُنکی فرضءَ چہ یک اِنت کہ آ وتی باسک ءُ راجءَ وتی پیسلہ ءُ جارانی باروا سرپد بہ کنت.
بی آر پیءِ سروک واجہ براھندگ بگٹیءِ 27 مارچءِ سرا داتگیں بیان کہ “پاکستان ءَ بلوچستان نا کلات 27مارچءَ قبضہ کُتگ”
اے ھستیں جھدئے توامیں بن اِشت ءِ سرا لھتیں جُست پیداک کنت.
1 بلوچ چہ وتی جِندے تاریخ نابلدیں راجءِ دگنیائے دیما زاہر بیت.
2 انٹرنیشنلی بلوچ جُہد شک ئے نگاہءَ چارگ بیت.
3 پاکستان ءِ ھمے جار کہ “کُچھ بلوچ ناراض ہے” ہمے گپءَ انٹرنیشنل کمیونٹی راست سرپد بیت.
4 توامیں بلوچ راجی گّلانی تاریخی ءُ سیاسی سرپدی سرا سوال کہ آہاں اولی روچاں بِگر تا مروچی راج رّد داتگ.
5 بی آر پیءَ پرچہ دگہ راجی گّل ڈالچار کُتگ انت گوں آہاں پرچہ اے تاریخی جیڑہ ءِ سرا تران نہ کُتگ؟
6 اگہ اے بی آر پیءِ باسکاں گوں ھال اھوال کنگءَ پد فیصلہ کنگ بیتگ کہ 27 مارچ تھنا کلاتءِ قبضہ ءِ روچ زانگ ببیت گُڑا اے بیان گّلءِ نیمگءَ چہ شنگ کنگ بہ بیتیں نیکہ واجہءِ زاتی آئی ڈیءَ۔ چہ ہمے گپءَ زانگ بیت کہ اے تھنا واجہءِ جِندءِ پیسلہ بیتگ کہ بی آر پیءِ جی حضوری کنوک یں باسکاں رندا پہ وت کُتگ.
بی آر پی ءِمرکز یک واٹس ایپ گروپ ءِ ھلاس کنگ ءِ ھاترہ سی سی میٹنگ کنت بلے چُشیں مزنیں راجی سیاسی ءُ تاریخی جیڑہ ءِ سرا ھچ کس ءَ سرپد نہ کن وت یک غیر آئینی ءُ غیر جمہوری عمل اِنت ءُ ڈکٹیٹر شپ زانگ بیت۔
اے ھمے واٹس ایپ گروپ انت کہ اشیءِ تہءَ گّلءِ توامیں چیپٹرے باسک گون بیتگ انت ءُ بلوچ راجی سیاست سرا بحث بیتگ بلے لھتیں سنگتانی بازیں انچیں جُست بیتگ انت کہ آہانی جواب گّلءِ سینیئر سنگتاں ندات اَنتءُ رابطہ ءِ یکیں زریعہ گروپ ءِ جِند بند کُنگ بیت اے گپءِ شاھد ھست انت.
اے جستانی جواباں بی آر پیءِ تاریخ زانت سیاسیات ءِ زانتکار الم زان انت ءُ امیت کنا منی پیمے ناسرپدے ءَ پوہ کن انت،
اشاں ابید واجہ آں سنگت حکیم واڈیلہءِ سرا اے بھتام جتگ کہ واجہءَ گّلءِ آئین پادمال کُتگ۔۔
بی آر پیءِ تہءَ آئین من نزاناں چیا گُشنت ءُ چی ایں ؟ اشیءَ ھوں واجہ منصور بلوچ کہ بی آر پیءِ برطانیہ ءِ کارمستر انت مارا سرپد بکنت کہ واجہءَ حکیم واڈیلہءِ باسکی ھلاس کُتگ.
بلوچ سیاسی تاریخ ءِ تہءَ چُشیں آئینی فیصلہ کہ یک سینیئر سنگتےءِ باسکی یک زونل صدرے ھلاس کنت من ندیستگ ءُ پدا واجہءَ وتی جار ءِ تھا آہینءِ ہما آرٹیکل” 6″سبب پیش کُتگ آ وت واجہءَ اے اجازتءَ نہ دنت.
حکیم واڈیلہءِ سرا اے بھتام کہ واجہءَ گّلءِ آ دگہ باسکاں گوں رابطہ کُتگ ءُ لابی کُتگ منی سر پر نبیت کہ پہ کجام لوٹ ءُ گرّزءَ حکیم اے کاراں کنت؟ اگہ بی آر پیءَ لھتیں انچیں مُز ھست کہ پہ آہاں حکیم لوٹوکیں گڑا بلکیں لابی بکنت.
بلے پہ اے گپءَ کہ حکیمءَ گوں دگہ سنگتاں 27مارچ بابتءَ سروکءِ داتگیں بیان سرا رابطہ کُتگ (رابطہ حکیم ءَ کُتگ اگں رھشونءِ بیان ءَ دلپروشیں ریپبلیکن کمیٹی ءِ سنگتاں آئیءِ ھوں شاھد ھست) گڑا ادا ھچ چُشیں ھرابکاریءِ من نہ گِنداں پرچہ کہ یک تاریخی مسلہءِ سرا گّلءِ باسکءَ گوں تران یک سیاسی عملے اشی ءِ تہءَ ھچ ھرابی نیست.
بی آر پی کراچیءِ اے جار کہ “ریاستی مھرے پارٹی کو تقسیم نہیں کرسکتے” اے ہمے سیاسی سُبکیاں کہ ریپبلیکن کمیٹی ءِ سنگتاں جُست کُتگ کراچیءِ بی آر پی ءِ سنگت بی آر پیءِ واٹس ایپ گروپ تہءَ وت گون بیتگ انت شاھد انت کہ 27 مارچ باروا ہچ فیصلہ نہ بیتگ اے تھنا واجکارے جندے پیسلہ بیتگ.
ریپبلیکن کمیٹی ءِ جُستانی مول مراد تھنا ھمے بیتگ کہ یک سیاسی گل ءِ باسکاں ءُ سروکانی دستءَ یک تاریخی نزانتکاریءِبوتگ بائد اِنت آ وتی جارءَ راج دیم شریء پدر بہ کنت چوناہاں ماں شُماں کُل بلوچ راج واجہ براھندگ بگٹیءِ سوشل میڈیائے تہءَ بازیں راجی ءُ زاتی جیڑہانی سرا ویڈیو جار دیستگ انت ریپبلکن کمیٹی ءِ سنگتاں ھوں ہمے لوٹ کُتگ کہ مارا اے پیسلہءِ بابتءَ سرپدی بدئے بلے واجہءَ بد بُرتگ.
چوناہاں اے سیاسی ھال اھوال بائد اِنت توامیں سروک گوں وتی باسکاں الم بکن انت کہ آ انٹرنیشنلی بلوچ جھدءِ سفارتکار انت آ ہرچ جارے سرپدی بدار انت ءُ دنیائے دگہ گّل ءُ راجاں سرپد بکن انت.
یک سیاسی سروکءِ وتی گّلءَ گوں ھال اھوال کنت گوں آہاں چُشیں راجی جیڑہانی سرا ھال تران کنت ءُ تاریخ زانتءَ چشیں جیڑہانی سرا جُست پُرس کنت “اگہ پہ وتءَ ھیبءِ سرپد مہ بیت” نوں دگہ گّلاں گوں چُشیں جیڑہءِ سرا تران کنت آخرءَ راجءِ دیما چُشیں جیڑہانی سرا وتی زانتکاریءَ کاریت.
