بلوچستان لبریشن فرنٹ کے ترجمان گہرام بلوچ نے نامعلوم مقام سے سٹیلائیٹ فون کے ذریعے بات کرتے ہوئے کہا کہ پیر16 اپریل کو سرمچاروں نے سی پیک منصوبے کی روٹ پر ضلع کیچ میں ہوشاب کے قریب کولواہ کے علاقے بل میں پاکستانی فوج کی چھ گاڑیوں کے قافلے پر گھات لگا کر حملہ کیا۔ ایک ٹرک اور ویگو شدید حملہ کی زد میں آئے جس سے دونوں گاڑیوں کو بری طرح نقصان پہنچا اور ان میں سوار پانچ افراد ہلاک اور چھ سے زائد زخمی ہوئے ہیں۔
گہرام بلوچ نے کہا کہ کل ضلع کیچ ہی میں مند کے علاقے چوکاپ میں فوجی چوکی پر راکٹ اور خود کار بھاری ہتھیاروں سے حملہ کرکے دو اہلکاروں کو ہلاک اور دو زخمی کئے۔ یہ حملے مقبوضہ بلوچستان کی آزادی تک جاری رہیں گے۔
