بلوچستان لبریشن فرنٹ کے ترجمان گہرام بلوچ نے پاکستانی فورسز پر مختلف حملوں کی ذمہ داری قبول کرتے ہوئے کہا کہ تیس اور اکتیس مارچ کی شب سرمچاروں نے ضلع خضدار کے علاقے گریشہ میں گُمبد کے مقام پر سی پیک پروجیکٹ سے منسلک ایک لنک روڈکی تعمیر کی حفاظت پر معمور فوجی چوکی پر راکٹ اور بھاری ہتھیاروں سے حملہ کر کے 4اہلکاروں کو ہلاک و متعدد کو زخمی کیا۔بلوچ قوم کی منشا و مرضی کے بغیر کوئی بھی منصوبہ قابل قبول نہیں لہٰذا مقامی ٹھیکیداروں کو تنبیہ کرتے ہیں کہ وہ ایسے منصوبوں پر کام سے اجتناب کریں بصورت دیگر وہ اپنی ہر قسم کے نقصان کا ذمہ دار خود ہوں گے۔
گہرام بلوچ نے کہا کہ ہفتہ 31 مارچ کے سرمچاروں نے ضلع کیچ کے علاقے خیر آباد اور ہوت آباد کے درمیان سی پیک لنک روڈ تربت ٹو مند پر کام کرنے والے عسکری تعمیراتی کمپنی فرنٹیر ورکس آرگنائزیشن (ایف ڈبلیو او)کے اہلکاروں اور فورسز کوخود کار، بھاری ہتھیاروں سے نشانہ بنا یا۔ حملے میں دو ایف ڈبلیو او اہلکار ہلاک اور ایک زخمی ہوا ہے۔ہم عوام سے اپیل کرتے ہیں کہ وہ عسکری تعمیراتی کمپنی و ایسے منصوبوں سے دور رہیں سرمچار کسی بھی وقت ان پر حملہ کر سکتے ہیں۔
گہرام بلوچ نے کہا کہ 30 مارچ کو سرمچاروں نے ضلع آواران کے علاقے گیشکور،ھو ر،ڈل بازار میں پاکستانی چوکی پر بھاری ہتھیاروں سے حملہ کر کے دو اہلکاروں کو ہلاک و دو کو زخمی کیا۔30 مارچ ہی کو ضلع آواران کے علاقے گواش میں پاکستانی فوج پر سرمچاروں نے دو مقامات پر بھاری ہتھیاروں سے حملہ کر کے فورسز کے6 اہلکاروں کو ہلاک و کئی کو زخمی کیا۔یہ حملے مقبوضہ بلوچستان کی آزادی تک جاری رہیں گے۔
