افغانستان کے جنوبی صوبے ہلمند میں ایک فوجی چھاؤنی کے قریب خود کش کار بم حملے میں کم سے کم پانچ افراد ہلاک ہوئے ہیں۔
مرنے والوں میں چار عام شہری اور ایک فوجی اہلکار شامل ہیں۔
حکام نے بتایا ہے کہ یہ حملہ صوبے کے ضلع ناد علی میں پیش آیا۔
اطلاعات ہیں کہ حملے میں سات افراد زخمی ہوئے ہیں۔
ہلمند میں یہ تازہ کارروائی طالبان کے اُس اعلان کے چند ہی روز بعد ہوئی ہے جس میں انہوں نے اپنے سالانہ حملوں کے آغاز کا اعلان کیا تھا۔
دوسری جانب افغانستان ہی کے صوبے ننگرہار میں بم دھماکے کی اطلاع موصول ہوئی ہے ، تاہم اس حملے کی تفصیل آنا باقی ہے
