بلوچ لبریشن آرمی کے ترجمان آزاد بلوچ نے نامعلوم مقام سے سیٹلائٹ فون پہ میڈیا نمائندوں سے بات چیت کرتے ہوئے کہا کہ گزشتہ شب ہمارے سرمچاروں نے کاہان کے علاقے آساپوڑ کے مقام پر ایف سی چوکی پر خودکار اور جدید ہتھیاروں سے حملہ کیا۔ دو طرفہ جھڑپ چالیس منٹ تک جاری رہی۔ جھڑپ میں متعدد ایف سی اہلکار ہلاک اور زخمی ہوئے۔
آزاد بلوچ نے کہا کہ چار روز سے علاقے میں پاکستانی فورسز کا آپریشن جاری ہے۔ بڑی تعداد میں پاکستانی فورسز نے کوہستان مری کے علاقے کو چاروں طرف سے گھیر ے میں لے رکھا ہے۔ فورسز کو فضائی کمک بھی حاصل ہے۔
آزاد بلوچ نے مزید کہا کہ اس آپریشن کا مقصد کاہان کے علاقے سے تیل نکالنا ہے۔ اس وقت بھی فورسز بھمبور کے علاقے شیر بارگ اور شیر وڈھ سے تیل نکالنے کی کوشش کر رہا ہے۔ لیکن ہم پاکستانی فورسز کے مذموم عزائم اور پاکستان کے ان گھناؤنے مقاصد کو کامیاب ہونے نہیں دینگے اور پاکستانی فورسز کے خلاف ہماری کاروائیاں جاری رہینگی۔
آزاد بلوچ نے کہاکہ گزشتہ رات کو آساپوڑ میں ایف سی چوکی پر حملے کی ذمہ داری ہماری تنظیم بی ایل اے قبول کرتی ہے۔ ہماری یہ کارروائیاں بلوچ قومی آزادی اور بلوچ ریاست کی آزاد حیثیت کی بحالی تک جاری رہینگی۔
