دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچ ریپبلکن آرمی کے ترجمان سرباز بلوچ نے میڈیا میں ایک بیان جاری کیا ہے، جس میں سرباز بلوچ نے ڈیرہ بگٹی کے علاقے لوپ میں ایف سی اور پولیس کے مشترکہ چوکی پر راکٹوں اور خودکار ہتھیاروں سے حملے کی ذمہ داری قبول کی ہے۔
سرباز بلوچ نے اپنے بیان میں مزید کہا ہے کہ اس حملے میں فورسز کو بھاری جانی نقصان اٹھانا پڑا ہے اور انہوں نے بلوچستان کے آزادی تک اس طرز کے حملے جاری رکھنے کے عزم کا اعادہ کیا ہے۔
