بلوچستان لبریشن فرنٹ کے ترجمان گہرام بلوچ نے آواران اور گچک میں پاکستانی فوجی چوکیوں پرحملوں کی ذمہ داری قبول کرتے ہوئے کہا کہ بدھ کی رات دس بجے سرمچاروں نے ضلع پنجگور کے علاقے گچک میں پرپکی چوکی پر دو راکٹ فائر کیے جو چوکی کے اندر فورسز کی رہائش پر گرے۔
واضح رہے کہ گزشتہ روز فورسز نے مقامی اسکول کو قبضہ میں لے کر چوکی قائم کیا تھا،اس حملے سے فورسز کو بھاری جانی و مالی نقصان پہنچا ہے۔
کل رات پیراندر کے علاقے زرانکولی آرمی چوکی پر سرمچاروں نے راکٹوں اور بھاری ہتھیاروں سے حملہ کر کے
فورسز کو بھاری جانی و مالی نقصان پہنچایا۔ جسکے بعد ہوس باختہ فورسز نے آبادی پر مارٹر فائر کرنے کے ساتھ شدید فائرنگ کی ،تاہم خوش قسمتی سے کوئی جانی نقصان نہیں ہوا۔
گہرام بلوچ نے کہا کہ پاکستانی فورسز پر حملے مقبوضہ بلوچستان کی آزادی تک جاری رہیں گے۔
