سوات میں کبل کے علاقے شریف آباد میں خود کش دھماکے کے نتیجے میں 11 اہلکار ہلاک اور 13 افراد زخمی ہو گئے۔
دی بلوچستان پوسٹ ویب ڈیسک رپورٹ کے مطابق آئی ایس پی آر کی جانب سے جاری بیان میں کہا گیا کہ دھماکا کبل کے علاقے میں فوج کی اسپورٹس یونٹ میں ہوا۔
ابتدائی اطلاعات کے مطابق خود کش بمبار نے خود کو گراؤنڈ میں اس جگہ اڑا دیا جہاں فوجی والی بال کھیل رہے تھے۔
ذرائع کے مطابق خود کش دھماکے کے نتیجے میں 13 فوجی زخمی ہوئے۔
دھماکے کے بعد فورسز نے علاقے کوگھیرے میں لے لیا جبکہ زخمیوں کو سیدو شریف سینٹرل اسپتال منتقل کیا گیا جہاں ان کی حالت خطرے سے باہر بتائی جارہی ہے۔
دوسری جانب پولیس کی بھاری نفری نے بھی علاقے کو گھیرے میں لے کر سرچ آپریشن شروع کردیا ہے۔
