بلوچستان لبریشن فرنٹ نے بلیدہ میں ہونے والے واقعے کی زمہ داری قبول کرلی جس میں پنجاب سے تعلق رکھنے والے پندرہ افراد کو نامعلوم افراد نے قتل کردیا تھا۔
میڈیا نمائندوں سے بات کرتے ہوئے بلوچستان لبریشن فرنٹ کے ترجمان نے کہا کہ مارے جانے والے افراد عسکری تعمیراتی کمپنی فرنٹیئر ورکس آرگنائزیشن کے ملازمین تھے اور ضلع کیچ میں چین پاکستان اقتصادی راہداری کے منصوبے پر کام کر رہے تھے۔
واضح رہے کہ آج صبح لیویز فورس کو دوران گشت پندرہ افراد کی لاشیں ملی تھیں جنکی شناخت پنجاب سے تعلق رکھنے والے افراد سے ہوئی۔
