تازہ ترین اطلاع کے مطابق پسنی سے بلوچی زبان کے شاعر اور ان کے بھائی سیکیورٹی فورسز کے ہاتھوں گرفتاری کے بعد لاپتہ ہوگئے، آمدہ اطلاعات کے مطابق پسنی کے وارڈ نمبر ایک سے سیکیورٹی فورسز نے چھاپہ مار کر بلوچی زبان کے نوجوان شاعر موسی امیت اور ان کے بھائی زھیر امیت کو گرفتار کرکے نامعلوم مقام پہ منتقل کردیا۔
واضح رہے پسنی، گوادر اور آس پاس کے علاقوں میں گرفتاریاں، آپریشنز میں تیزی پاک چین اقتصادی منصوبے کے بعد آئی ہے اور اب تک سینکڑوں لوگوں کوگرفتاری کے بعد لاپتہ کردیا گیا جبکہ درجنوں لاپتہ لوگوں کی مسخ شدہ لاشیں بھی برآمد ہوئیں ہیں ۔
