کیچ میں سیکیورٹی فورسز اور مسلح افراد کے درمیان جھڑپ میں تین مسلح افراد اور ایک خاتون جاں بحق
آمدہ اطلاعات کے مطابق کیچ کے علاقے دشت گوہرکان میں نامعلوم مسلح افراد اور سیکیورٹی فورسز کے درمیان جھڑپ میں تین مسلح افراد اور ایک خاتون جاں بحق ہوئے ہیں جن کی شناخت سیلم بلوچ ولد یوسف، ظریف ولد یوسف بلوچ، سمیر ولد عیسیٰ بلوچ کے نام سے ہوئی۔ علاقائی زرائع کے مطابق جاں بحق ہونے والے افراد کا تعلق ایک ہی خاندان سے ہے جن میں دو سگے بھائی اور خاتون کو ان کی والدہ جبکہ تیسرا شخص ان کا رشتدار بتا یا گیا ہے۔
دوسری جانب سیکیورٹی زارئع نے میڈیا کو جاری کردہ اپنے ایک بیان میں بھی ان ہلاکتوں کی تصدیق کرتے ہوئے کہا کہ خفیہ اطلاع کی بنیاد پر چھاپہ مار کر تین افراد کو ہلاک کیا۔ جس میں سیکیورٹی زرائع نے خاتون کے جاں بحق ہونے کی تصدیق نہیں کی ہے۔
