بندیں کوٹی ءِ جِنک (نوزدھُمی بھر) – اکیل مراد

39

بندیں کوٹی ءِ جِنک
(نوزدھُمی بھر)

اکیل مراد

دی بلوچستان پوسٹ

مردم ھَنچیں جاوراں کَپ اِیت کہ وتی سماھی ءَ ھم کَش اِیت نہ کنت آ نہ زانت کہ من چتور وتی دیمے مردم ءَ ایمن بہ کن آں بَلے ھمے ناپُھتویں زندمان ءَ مردم جبزاتی بیت کنت وتی جبزگ ءَ میار بند کنائین اِیت “جنک ” من وَ ایشی ءَ زان آں کہ آئی ءَ وتی پِت ءِ منّگ ءِ بگیری ءَ منی گون ءَ مھر کنگ ءِ ھِمت کرتگ، منی دارگ، من ءَ اِد ءَ چَہ دور برگ ھمے گپانی یاتگیری ءَ آ کپ اِیت تُرس ءَ گِریوْگ ءَ لَگ اِیت پرچاکہ آئی ءِ تہ ءَ اِنچُک مزنیں جان نیست کہ آ تُرس ءَ بہ پروشیت ءُ من ءَ مھر بہ کنت گون من ءَ کہ آئی ءِ بامردی، ءُ آئی پِت ءِ مال ءُ آئی ءِ نیزور دِلی

وھدیکہ من وتی براتانی بارو ءَ گَپ کنگ ءَ لَگّاں گڑا آ تُرس ءِ تہ ءَ گَڑ ءُ مُنج بیت ھمے سما بیت کہ آئی ءِ دیمے چھرگ ءِ نکاب کَسے ءَ دور کُت، آ سرپد بیت کہ منی کَش ءُ گورے درستیں جِنک من ءَ آروس کنگ ءِ ودار ءَ اَنت آ زانت کہ منی کُٹم ءِ چماں آ پیسر ءَ کمشرپیں مردمے ایشی ءَ چَہ گیش کمشرپی یِے دگہ وس نیست راستی یِے کہ آ من ءَ چگل دنت

آ من ءَ گْوش اِیت کہ پیرس ءَ یک بزنس اسکولے ءَ وانگ ءِ ھاتر ءَ شُتگ آں اے گپ ءَ راست گْوشگ اِنت کہ ایشی ءَ وانگ ءِ جھد نہ کتگ آئی ءِ پِت ءَ زَر ءِ دیم دیگ بند کرتگ ءُ آئی ءِ پت ءَ واتری ءِ ٹِکٹ گِپتگ ءُ چریشی ءَ چَہ آ لاچاری ءَ آئی ءَ پرانس یل کنگ کپتگ آئی ءِ اے واتری آئی ءِ مزنیں کمشرپی اِنت کہ آئی ءَ بزنس ءِ وانگ سرجم نہ کُتگ آ گْوش ایت کہ منی ارادو اِنت کہ من اِد ءَ نِمدی ءُ نَسکانی زورا وتی وانگ ءَ سرجم بہ کن آں

کٹم ءِ ھمراھی ءَ دوچاری چولون ءَ شرپمندی ءِ گون ءَ بندات بیت وھدیکہ منی مات ءُ برات سائیگون ءَ اتکاں من آئی ءَ گْوشت کہ تو ایشاں چین ءِ مزنیں ھوٹلاں داوت بہ دَے چریشاں آئی ءَ پجاروکی نیست ءُ پیسر ءَ بِھ نہ شتگ

بیگاہ ءِ وھد ءَ درست دوچاری بنت ءُ آیاں ھوٹل ءَ بارت اود ءَ منی برات ورگاں ھَنچُش لِچ اِیت گوں ھمے سما بیت کہ آئی ءَ بِھ ورگ نہ دیستگ ءُ آ منی برات ءَ گوں گپ نہ کنت آئی ءِ نیمگ ءَ ھم نہ چاریت اگاں چارگ ءِ جھد ءَ بہ کنت ھم چاریت کُت نہ کنت ئِے پرچاکہ اگاں آئی ءِ تہ ءَ چارگ ءِ ھِمت بیتیں گڑا آئی ءَ وانگ ءِ جھد کُتگ اَت آ چاگرد ءُ زندمانی ءِ بنکی جیڑوانی راھبندانی پاسداری ءَ بہ کنت اے ورگانی میان ءَ بس منی مات گَپ کنت برے برے بس باز کم گپ در کنت گیشتر ھما وھد ءَ ورگ آیگ ءَ بنت لھتے گپ جنت کہ ورگ سک گران اَنت ھَنچُش کہ ورگے وڑ ءَ نہ اِنت پد ءَ بے توار بیت

چینی مرد بنداتی ءِ دو داوتانی وھد ءَ آ جھد کنت کہ گلاس ءِ آپ ئِے ءَ بہ کپ آں بہ بُڈاں پیرس ءَ وتی کتگیں کارانی بارو ءَ گپ جنگ ءِ جھد ءَ کنت بَلے ھَنچُش بے سُدی ءَ اے وَ ھَنچُش بیت کہ ھمے سما بیت کہ ایشی ءَ ھِچ گَپ اِیش نہ کُرتگ آئی ءِ اے جھد بے تواری ءِ تہ ءَ بُکیت گار بیت منی برات ءِ دلگوش گوں ورگ ءَ ایں کہ آ گیش ءِ ورگ ءَ نہ اِنت ھنچُش سما بیت یک گوکے ورگ ورگ ءَ ایں ھنچُش اجب رنگے ءَ کہ من ھِچ بر کس اے وڑ ءَ ورگ ءِ ورگ ءَ نہ دیستگ

چینی مرد ورگانی بِل ءَ پُر کنت ءُ آ زَراں ھِساب کنت ءُ پارکِٹ ءِ تہ ءَ ایر کنت درستیں مردم چارگ ءَ آں اولی رند من ءَ یات اِنت آ ھپتاد ءُ ھپت پیا سترانی یک رِد ءِ مُچ کَنت منی مات کندگانی تہ ءَ کپگی اِنت درستیں مردم روگ ءِ واستا پاد کایاں کس مِنت ءَ نہ گپت کَسے ءِ نیمگ ءَ ھِچ وڑیں گپ نیست آ ھِجبر شری ءِ منت ءَ نہ گپت ناکہ سھب ءِ وشنودی ناکہ گُڈی سلامتی ، ناکہ ھال ءُ اھوال کس دوھمیگ ءَ ھِچ نہ گْوش اِیت
منی برات آئی ءَ ھِچ وڑیں گَپے ءَ گوں برانزی نہ کنت اے وَ ھمے وڑ اِنت کہ آ ایشی ءَ نہ گِندیت آ ایشی ءِ واستا اِنچُک مزن نہ اِنت کہ آئی ءَ سما بہ کنت، آئی ءَ بہ چاریت آئی ءِ گپاں گوش بداریت اے ھمے واستا کہ آ منی پادانی چیر ءَ ایں اے وَ ابرمی نیمگ ءَ پرز ءِ کنگ بیت کہ من ءَ آئی ءَ گوں ھِچ وڑیں مھر نیست من آئی ءِ زَر ءُ مالانی سوْب ءَ آئی ءِ ھمراھاں کہ من آئی ءَ گوں مھر کُت نہ کن آں اے وَ بیت نہ کنت کہ آ منی کجام دروشمانی زھرشتاں اوپار کنت ءُ آ ھِچ منی مھر ءِ دیم ٹکر بیت نہ کنت ھمے سوْب ءَ آ یک چینی ءِ آ یک سھر رنگیں انگریز ءِ نہ اِنت ھَنچُش کہ منی مستریں برات بے توار بیت ءُ منی آشِک ءِ بنکی دروشم ءَ سما نہ کنت ھَنچُش سرجم ءَ آئی ءَ دلگوش نہ کنت ءُ اے یک میارے رنگ ءَ زیریت ءُ یات کنت،

کِسہ روان اِنت سپر ماں پرانسی جِنک ءَ ـ ـ ـ


دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔