مہمند میں دھماکہ، پاکستان آرمی کا میجر و سپاہی ہلاک

116

ڈیورنڈ لائن پر باڑ کی نگرانی کے دوران بارودی سرنگ کے دھماکے میں پاکستان فوج کا میجر اور سپاہی ہلاک ہو گئے۔

 

پاکستان فوج کے شعبہ تعلقات عامہ (آئی ایس پی آر) کے سربراہ میجر جنرل آصف غفور نے سوشل میڈیا پر جاری بیان میں بتایا کہ پاکستان فوج کے اہلکار ڈیورنڈ لائن پر ضلع مہمند میں باڑ لگانے کے کام کی نگرانی پر مامور تھے کہ اس دوران شدت پسندوں کی نصب کی ہوئی بارودی سرنگ کے دھماکے کی زد میں آگئے۔

میجر جنرل آصف غفور نے بتایا کہ دھماکے میں ہلاک ہونے والوں میں پاکستان فوج کا میجر عدیل اور سپاہی فراز شامل ہیں۔

خیال رہے کہ چند روز قبل بھی ڈیورنڈ لائن پر باڑ لگانے میں مصروف پاکستان فوج کے اہلکاروں پر شدت پسندوں کی فائرنگ کے نتیجے میں 3 اہلکار ہلاک اور ایک زخمی ہو گیا تھا۔