شپّاس، سردارنک – ھسا بجار

79

شپّاس

سردانک

” موسمے کسہانی تہا ” چہ پد ” شپّاس ” منی آزمانکانی دومی گِچین انت ، کہ چیزے پُرشت ءُ پروشیں گپ ءُ گال انت کہ من وتی بسات ءَ کسہاں گوں ماں اڑینتگاں ءُ اشاناں آزمانک ءُ آزمانکُک ءِ نام داتگ ءُ کتابی دروشمے ءَ دیما آؤرتگ انت پہ بلوچی لبزانک ءِ تہا کسهاں تُکشوکیں وانوکاں ، نی شپّاس ءِ ازمی بستار چی انت ؟
اے کار ندکارانیگ انت۔
من همینچک کہ پند بُرتگ همینچک ساهگاں دم بالا کتگ ، جهد کتگ کہ پندانی ندارگ ءُ ساهگانی هونکی بمانیت پہ اداروکے ، هما دمانانی کرارے بہ تُرومب ایت پہ تُن آپیں دل ءِ کرارینگ ءَ ۔
منی گورا لبزانک ءِ مانا بس وتا نہ شموشگ ءُ وتی جند ءِ شوهازگ انت – بنی آدم ءِ جند گوں وتی هاک ءِ بو ءَ چینچک زیبا بیت همے سبک منا داتگ ، لبزانک ءَ۔
پند پشت کتگ پاد روان انت باریں داں کد شپانی شپّاسی مانیت ، باریں کد بامے ٹِک بد انت پہ شپ جتیں شپّاساں۔

بلوچی لبزانک میزراں بات

هسابجار

28/12/2018

هیلی اوتاگ الئین

دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔