بلوچ لبریشن آرمی کے ترجمان جیئند بلوچ نے میڈیا کو بھیجے گئے اپنے بیان میں کہا ہے کہ بی ایل اے کے سرمچاروں نے نوشکی اور قلات میں دو مختلف حملوں میں قابض پاکستانی فوج کو نشانہ بنایا جن میں ایک دشمن اہلکار ہلاک اور چار زخمی ہوگئے۔
انہوں نے کہا بی ایل اے کے سرمچاروں نے گذشتہ رات نوشکی کے علاقے کیشنگی میں بلغانی کے مقام پر قائم قابض پاکستانی فوج کے پوسٹ کو حملے میں نشانہ بنایا، سرمچاروں نے دشمن پوسٹ پر گرنیڈ لانچر سے متعدد گولے داغے اور بھاری ہتھیاروں کا استعمال کیا۔
جیئند بلوچ کے مطابق حملے کے نتیجے میں ایک دشمن اہلکار موقع پر ہلاک ہوگیا اور کم از کم تین اہلکار زخمی ہوگئے جبکہ حملے میں قابض فوج کے پوسٹ کو بھی شدید نقصان پہنچا۔
بیان میں کہا گیا ہے بی ایل اے کے سرمچاروں نے قلات کے علاقے منگچر میں قابض پاکستانی فوج کے مرکزی کیمپ کے حفاظتی چوکی کو دستی بم حملے میں نشانہ بنایا، جس کے نتیجے میں چوکی میں موجود ایک اہلکار شدید زخمی ہوگیا۔
جیئند بلوچ کا مزید کہنا تھا بلوچ لبریشن آرمی مذکورہ حملوں کی ذمہ داری قبول کرتی ہے۔ آزاد وطن کے حصول تک ہماری کاروائیاں جاری رہینگی۔
