بلوچستان کے ضلع خاران سے پاکستانی فورسز نے ایک شخص کو حراست میں لینے کے بعد لاپتہ کردیا ہے جبکہ فورسز کے ہاتھوں لاپتہ ہونے والا ایک شخص بازیاب ہوکر گھر پہنچ گیا ہے۔
تفصیلات کے مطابق پاکستانی فورسز نے گذشتہ شب خاران شہر کے بابو محلہ سے ایک نوجوان کو حراست میں لینے کے بعد لاپتہ کردیا جس کی شناخت شاہ فہد ولد پٹواری محمود خان کے نام سے ہوئی ہے۔
خیال رہے کہ شاہ فہد کو اس سے قبل بھی 2016 میں ایک مرتبہ اس کے بھائی فرید عرف میجر کے ہمراہ جبری طور پر لاپتہ کیا گیا تھا، تاہم اس وقت شاہ فہد دو دن میں بازیاب ہوا تھا جبکہ اس کا بھائی فرید احمد تین سال تک حراست میں رہنے کے بعد بازیاب ہوا۔
دوسری جانب اطلاعات ہیں کہ ٹکری بہادر علی کیازئی جو کہ طویل عرصہ سے لاپتہ تھا، سنٹرل جیل بہاولپور سے بازیاب ہوگیا۔
واضح رہے کہ ٹکری بہادر علی کے جبری گمشدگی پر بڑے پہمانے پر احتجاجی مظاہرے دیکھنے میں آئے تھیں۔
