بی ایس او کے مرکزی سیکریٹری جنرل منیر جالب بلوچ نے کہا بلوچستان یونیورسٹی آن لائن کلاسز کے خلاف عدالتی فیصلوں کی دھجیاں اڑارہی ہے، اور عدالت کی جانب سے یہ حکم جاری کیا گیا تھا کہ سمسٹر فیس کے ساتھ لیٹ فیس کی مد میں کوئی رقم نہ لی جائے لیکن لیٹ فیس کی مد میں طلباء و طالبات سے ایک ہزار روپے تک اضافی فیس لی جارہی ہے، اسکے علاوہ عدالت عالیہ نے آن لائن امتحانات کے بارے میں بھی واضح کہا کہ فی الحال کوئی امتحانات نہ لی جائے اس کے باوجود 20 جولائی سے امتحانات لی جا رہی ہیں، یہ سراسر توہینِ عدالت کے زمرے میں آتی ہے۔
انہوں نے کہا اس حوالے سے وکلاء کو آگاہ کیا گیا ہے اور ہم امید کرتے ہیں عدالت عالیہ ان معاملات کا نوٹس لے کر جلد طلبا کے حق میں کوئی فیصلہ کرئے گا۔
