دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع لسبیلہ کے صنعتی شہر حب سے انتظامیہ کو ایک شخص کی مسخ شدہ لاش ملی ہے۔
لاش حب کے صنعتی مقام ڈگارزئی سے پولیس نے برآمد کرکے اسپتال منتقل کردیا۔
اسپتال انتظامیہ نے ضروری کارروائی کے بعد لاش ایدھی کے حوالے کردیا تاہم برآمد ہونے والے لاش کی شناخت نہیں ہوسکی ہے۔
یاد رہے بلوچستان کے مختلف علاقوں سے ایسے افراد کی لاشیں برآمد ہوئی ہے جن کی شناخت ممکن نہیں ہوسکی جبکہ کئی مواقع پر بغیر ڈی این اے کے لاشوں کو لاوارث قرار دے کر انتظامیہ کی جانب سے دفن کیا گیا ہے۔
خیال رہے مئی کے مہینے میں بلوچستان کے مختلف علاقوں کوئٹہ، ماشکیل، خضدار، ہرنائی، پنجگور اور چاغی سے خاتون سمیت 7 افراد کی لاشیں مل چکی ہے۔
انسانی حقوق کے اداروں سمیت بلوچ سیاسی حلقوں کے خدشات کے مطابق لاشیں لاپتہ افراد کی ہوسکتی ہیں جنہیں مسخ کرکے پھینکا جاتا ہے جن کی وجہ سے ان افراد کی شناخت کرنا مشکل ہوجاتا ہے۔
