کورونا وائرس سے بچاؤ کے حوالہ سے بلوچستان حکومت نے شہریوں کے ناک اور منہ کو ڈھانپنے کو لازمی قرار دے دیا۔
کوئٹہ سمیت بلوچستان بھر میں کورونا وائرس سے بچاؤ کے لئے لاک ڈاؤن اور اس حوالہ سے احتیاطی تدابیر متعارف کرانے کے باوجود شہریوں کی اکثریت صورتحال کو سنجیدہ لینے کو تیار ہی نہیں۔ اس پر صوبائی حکومت بھی پریشان ہے کہ شہریوں کو کیسے گھروں تک محدو رکھا جائے۔
بلوچستان حکومت نے اعلان کردیا ہے کہ شہری لاک ڈاؤن کی خلاف ورزی کرتے رہے تو مزید سخت اقدامات کرنا پڑیں گے۔
