بلوچستان لبریشن فرنٹ کے ترجمان میجر گہرام بلوچ نے میڈیا میں جاری کردہ بیان میں کہا ہے کہ گذشتہ رات ساڑھے نو بجے کے وقت ضلع کیچ کے علاقے تمپ میں سرمچاروں کی گشتی ٹیم کا پاکستانی فوجی گشتی ٹیم سے سامنا ہوا۔ یوں سرمچاروں اور قابض فوج کے درمیان ایک جھڑپ شروع ہوئی۔
انہوں نے کہا کہ تمپ کے علاقے میر آباد کراس پر سرمچار معمول کی گشت پر تھے، جب قابض فوج کے ساتھ ان کا سامنا ہوا، اس جھڑپ میں تمام سرمچار بحفاظت نکلنے میں کامیاب ہوئے اور دشمن کو بھاری جانی نقصان پہنچایا۔ جھڑپ کے بعد حواس باختہ ہوکر قابض فوجیوں نے چاروں طرف گولے برسائے لیکن عام آبادی اس سے محفوظ رہے۔
