نصیرآباد سے نامعلوم شخص کی لاش برآمد

برآمد ہونے والی لاش کو شناخت کے لئے اسپتال منتقل کردیا گیا

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع نصیر آباد سے نامعلوم شخص کی تشدد زدہ لاش برآمد ہوئی ہے –

تفصیلات کے مطابق پولیس تھانہ صدر ڈیرہ مراد جمالی کے حدود ٹول پلازہ کے قریب واٹر کورس میں ایک نامعلوم شخص کی تشدد زدہ لاش ملی ہے جس کو شناخت کے لئے سیول اسپتال ڈیرہ مراد جمالی منتقل کردیا گیا-

اسپتال انتظامیہ کے مطابق برآمد ہونے والے لاش 35 سالا شخص کی ہے اور دو روز پہلے قتل کرکے لاش پھینکی گئی ہے تاہم شناخت کے لئے لاش مردہ خانہ بھیج دیا گیا ہے –

یاد رہے بلوچستان میں اکثر اوقات لاشیں ملتی ہے جن میں اکثریت تعداد ان افراد کی ہے جنہیں سالوں تک جبری طور پر لاپتہ رکھا جاتا ہے –