بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا ہے کہ سرمچاروں نے پنجگور حملے میں قابض پاکستانی فوج کے 12 اہلکار ہلاک اور مزید 6 زخمی کر دیئے۔ قابض فوج کو اس وقت حملوں میں نشانہ بنایا گیا جب وہ مذکورہ علاقے میں جارحیت کی غرض سے نام نہاد ڈیتھ اسکواڈز کے ہمراہ بڑی تعداد میں پیش قدمی کی کوشش کر رہے تھے۔
ترجمان نے کہاکہ گزشتہ روز پنجگور کے علاقے سوراپ میں بلوچ لبریشن آرمی کے سرمچاروں نے قابض پاکستانی فوج اور جرائم پیشہ افراد کے گروہ (ڈیتھ اسکواڈ ) کے ارکان کو اس وقت حملے میں نشانہ بنایا، جب وہ بڑی تعداد میں گاڑیوں اور پیدل پیش قدمی کی کوشش کر رہے تھے۔ اس دوران قابض فوج کی مدد کے لیے بکتر بند اور دیگر گاڑیوں میں مزید اہلکاروں نے پیش قدمی کی کوشش کی، جسے سرمچاروں کے دوسرے دستے نے حملے میں نشانہ بناکر پسپا کردیا۔
انہوں نے کہاکہ دوپہر ایک بجے سے رات آٹھ بجے تک جاری رہنے والی ان طویل جھڑپوں میں قابض پاکستانی فوج کے کمانڈوز سمیت مجموعی طور پر 12 اہلکار ہلاک اور 6 زخمی ہو گئے، جبکہ دشمن کی ایک گاڑی تباہ ہو گئی اور نام نہاد ڈیتھ اسکواڈ کے ارکان کو بھی نقصانات کا سامنا کرنا پڑا۔
جیئند بلوچ نے کہاکہ بلوچ لبریشن آرمی اس حملے کی ذمہ داری قبول کرتی ہے اور دشمن پر مزید مہلک حملے کرنے کے عزم کا اعادہ کرتی ہے۔ بلوچ قوم کی آزادی کے حصول تک ہماری مسلح جدوجہد جاری رہے گی اور قابض فوج کو ہر محاذ پر ناکامی اور شکست کا سامنا کرنا پڑے گا۔
