بلوچستان میں جبری گمشدگیوں کا سلسلہ جاری اطلاعات کے مطابق 25 سالہ طالبعلم رمیز ولد نواب کو 12 جنوری 2026 کو علی الصبح پاکستانی فورسز نے حراست میں لے کر لاپتہ کردیا ہے۔
ذرائع کے مطابق رمیز کا تعلق ضلع آواران کے علاقے قمبرو سے ہے، انہیں 12 جنوری کی صبح تقریباً 4:30 بجے کوئٹہ کے علاقے بولان پلازہ، بروری سے سی ٹی ڈی نے حراست میں لیا۔
واضح رہے کہ بلوچستان میں جبری گمشدگیاں ایک سنگین انسانی حقوق کا مسئلہ بن چکی ہے، انسانی حقوق کے کارکنان نے مطالبہ کیا ہے کہ رمیز ولد نواب کو فوری طور پر منظرِ عام پر لایا جائے اور جبری گمشدگیوں کے اس سلسلے کو بند کیا جائے۔
ادھر بلوچستان کے ضلع کیچ کے علاقے تربت کوشقلات سے پاکستانی فورسز کے ہاتھوں جبری گمشدگی کا شکار بننے والے محمد بخش ولد مراد 6 مہینے بعد بازیاب ہوگئے ہیں۔
لواحیقن کے مطابق محمد بخش ولد مراد جو گزشتہ چھ ماہ سے جبری لاپتہ تھے اور آج بازیاب ہوگئے ہیں۔
