بلوچستان کے مختلف علاقوں سے پاکستانی فورسز نے دو افراد کو جبری طور پر لاپتہ کر دیا ہے، جبکہ 15 جبری لاپتہ افراد بازیاب ہو کر اپنے گھروں کو پہنچ گئے ہیں۔
بلوچستان کے ضلع قلات کے علاقے منگچر کے دو رہائشی سندھ سے پاکستانی فورسز کے ہاتھوں جبری گمشدگی کا شکار ہوئے ہیں۔
عبدالستار اور عبدالسلام کو سکھر سے لاپتہ کیا گیا۔ لواحقین کے مطابق دونوں افراد سندھ میں کسانی اور کاشتکاری سے وابستہ تھے۔
دریں اثنا پاکستانی فورسز کے ہاتھوں جبری لاپتہ ہونے والے امجد بلوچ سکنہ گوادر، ڈاکٹر راشد، رستم خان ولد عبدل ہادی قمبرانی، ہلال داد ولد داد اللہ سکنہ تمپ، عرفان حسین ولد ہیر خان، شہنواز ولد رحمت، جاوید جمعہ ولد جمعہ خان، ظہور احمد ولد فتح خان، زاہد احمد ولد ژیری خان، عبدالمالک ولد اللہ بخش، بشیر احمد ولد ژیری خان، عارف بلوچ، ضمیر احمد ولد عبد الواحد اور گاجیان سکنہ گریشہ، خضدار بازیاب ہو کر اپنے گھروں کو پہنچ گئے ہیں۔
ان تمام افراد کو رواں سال نومبر اور دسمبر میں مختلف علاقوں سے جبری طور پر لاپتہ کیا گیا تھا۔
