بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ سرمچاروں نے بولان میں بی بی نانی کے مقام پر فورسز کیمپ اور چاغی میں پولیس چوکی کو دستی بم سے نشانہ بنایا۔
انہوں نے کہا کہ بلوچستان لبریشن فرنٹ کے سرمچاروں نے دس دسمبر کے رات ساڑھے آٹھ بجے بولان میں بی بی نانی کے مقام پر ایف سی کیمپ پر دونوں اطراف سے جدید و بھاری ہتھیاروں سے حملہ کیا، حملے میں آر پی جی کے گولے کیمپ کے اندر نشانے پر جا لگے جس کی وجہ سے کیمپ میں آگ بھڑک اٹھی، اس حملے کے نتیجے میں قابض فوج کو جانی و مالی نقصان پہنچا۔
ترجمان نے کہا کہ دوسری کاروائی میں سرمچاروں نے سات دسمبر کی رات ساڑھے نو بجے کے قریب چاغی بازار میں قائم پولیس چیک پوسٹ پر دستی بم سے حملہ کیا جو چوکی کے اندر جا گرا جس کے نتیجے میں پولیس گاڑیوں اور چیک پوسٹ کو نقصان پہنچا۔
انہوں نے مزید کہا کہ بلوچستان لبریشن فرنٹ بولان میں پاکستانی فورسز کیمپ اور چاغی میں پولیس پر حملے کی زمہ داری قبول کرتے ہوئے اس عزم کو دہراتی ہے کہ قابض پاکستان کے مکمل انخلا ء تک ہماری جدوجہد جاری رہیں گی۔
