بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ بی ایل ایف کے سرمچاروں نے تنظیم کے خفیہ ونگ کی اطلاع پر 5 اکتوبر کو صبح 9 بجے کے قریب واشک کے علاقے پتک میں چین- پاکستان اقتصادی راہداری روڈ پر قابض پاکستانی فوج کی تین گاڑیوں پر گھات لگا کر حملہ کیا اور انہیں بھاری ہتھیاروں سے نشانہ بنایا، جس سے چار اہلکار موقع پر ہی ہلاک، جبکہ ایک افسر سمیت دو اہلکار زخمی ہوئے۔ کامیاب کاروائی کے بعد سرمچار بحفاظت نکل کر اپنے محفوظ ٹھکانوں پر پہنچنے میں کامیاب ہوگئے۔
ترجمان نے کہا کہ بلوچستان لبریشن فرنٹ واشک میں چار فوجی اہلکاروں کو ہلاک اور افسر سمیت دو کو زخمی کرنے کی ذمہ داری قبول کرتی ہے۔ بی ایف ایف عزم کرتی ہے کہ بلوچستان سے قابض قوتوں کے مکمل انخلاء اور بلوچستان کی آزادی تک جدوجہد جاری رکھے گی۔
