کراچی میں عالمی دہشتگرد تنظیم داعش خراسان کے ایک اہم کمانڈر حسن کو نامعلوم مسلح افراد نے فائرنگ کرکے ہلاک کردیا ہے۔
باوثوق ذرائع کے مطابق حسن بلوچستان میں داعش کے مراکز سے منسلک رہا اور وہ مبینہ طور پر خودکش حملہ آوروں کی تربیت اور ان کی کارروائیوں کی منصوبہ بندی میں کلیدی کردار ادا کرتا رہا۔ کچھ عرصہ قبل وہ بلوچستان کے شہر خضدار منتقل ہوا تھا جہاں سے وہ حالیہ دنوں میں کراچی پہنچا تھا۔
مقامی ذرائع کا کہنا ہے کہ حسن کی ہلاکت شہر کے ایک حساس علاقے میں ہوئی ہے۔
خیال رہے کہ ماضی میں مختلف حلقوں کی جانب سے یہ الزامات سامنے آئے ہیں کہ داعش نے بلوچستان کے بعض علاقوں میں اپنے تربیتی کیمپ قائم کیے ہیں۔ بعض مبصرین کے مطابق ان کیمپوں کو حکومت کی خاموش حمایت حاصل ہے اور ان پر یہ الزام بھی عائد کیا گیا کہ پاکستانی فورسز عناصر ان کو سہولت فراہم کررہے ہیں۔
داعش خراسان، جسے عام طور پر آئی ایس کے، کے نام سے جانا جاتا ہے، افغانستان اور پاکستان میں کئی مہلک حملوں کی ذمہ داری قبول کر چکی ہے۔
