بلوچستان کے ضلع بارکھان سے ایک شخص کی گولیوں سے چھلنی لاش برآمد ہوئی ہے جس کی شناخت محمد نواز ولد شہسوار خان کے نام سے کی گئی ہے۔
مقامی ذرائع کے مطابق، محمد نواز کو 10 ستمبر کو رکنی بارکھان کے علاقے سے پاکستانی فورسز نے حراست میں لیا تھا۔
اہلِ خانہ کا کہنا ہے کہ وہ کئی روز تک ان کی بازیابی کے لیے دربدر ہوتے رہے مگر حکام نے گرفتاری یا حراست کی تصدیق نہیں کی۔ تیس ستمبر کو ان کی لاش ملی جس پر گولیوں کے نشانات واضح تھے۔
خیال رہے کہ گذشتہ دنوں بھی بلیدہ اور اوتھل سے جبری گمشدگی کے شکار چار افراد کی لاشیں ملی تھیں۔ ان میں سے دو کو پروم سے جبکہ ایک شخص بلیدہ تربت کراس سے پاکستانی حکومت یافتہ گروہ نے جبری لاپتہ کیا تھا۔
مقتول افراد میں نیک سال ولد دلوش سکنہ ماچی کلگ بلیدہ، عبد القدوس ولد حمید علی سکنہ ماچی کلگ بلیدہ اور نزر محمد ولد عرض محمد سکنہ پروم شامل ہیں۔
اوتھل زیرو پوائنٹ سے پسنی ببر شور کے رہائشی جہانزیب روشن کا لاش برآمد ہوا۔ جنہیں پاکستانی فورسز نے حراست میں لینے کے بعد لاپتہ کیا گیا تھا۔
بلوچستان میں جبری گمشدگیوں اور ماورائے عدالت ہلاکتوں کے اطلاعات طویل عرصے سے انسانی حقوق کی تنظیموں کا موضوع رہے ہیں۔ انسانی حقوق کی تنظیمیں بارہا ان واقعات پر تشویش کا اظہار کر چکی ہیں۔
