سال 2025 کا بیلون ڈیور فرانس کے عثمان ڈمبیلے نے پہلی بار اور اسپین کی خاتون کھلاڑی آئیتانا بونماتی نے تیسری بار اپنے نام کرلیا۔
پیرس میں آج دنیا کے سب سے معتبر فٹ بال ایوارڈ کا اعلان کیا گیا، جہاں مردوں کی کیٹیگری میں فرانس کی قومی ٹیم اور کلب پیرس سینٹ جیمیں کے فارورڈ عثمان ڈمبیلے نے سب کو پیچھے چھوڑتے ہوئے یہ اعزاز حاصل کیا۔ خواتین میں اسپین کی قومی ٹیم اور کلب بارسلونا کی مڈفیلڈر آئیتانا بونماتی نے مسلسل تیسری بار ٹرافی اپنے نام کی۔
نوجوان کھلاڑیوں کے لیے دیا جانے والا کاپا ٹرافی اسپین اور بارسلونا کے 17 سالہ فارورڈ لیمین یمال کو ملا، جبکہ خواتین کی بہترین نوجوان کھلاڑی کا اعزاز بھی بارسلونا کی سلمہ پارالوئلو لوپیز کو دیا گیا۔
گول کیپر کے ایوارڈ یعنی یاشین ٹرافی مردوں میں اٹلی کی قومی ٹیم اور کلب پیرس سینٹ جیمیں کے گول کیپر جیان لوییگی ڈونارومّا نے جیتا، جبکہ خواتین کی بہترین گول کیپر کا اعزاز انگلینڈ اور کلب استون ویلا کی میری ایرپس ہیمپٹن نے حاصل کیا۔
گول اسکورر ایوارڈ گرڈ مولر ٹرافی سویڈن کے قومی کھلاڑی اور کلب آرسنل کے فارورڈ وِکٹر گیۆکِرس کے نام رہا۔
کلب ایوارڈ مردوں میں پیرس سینٹ جیمیں اور خواتین میں آرسنل کو دیا گیا۔
کوچنگ ایوارڈ میں مردوں کے حصے کا ٹائٹل لوئیس اینریکے (پیرس سینٹ جیمیں) نے جیتا جبکہ خواتین میں انگلینڈ کی کوچ سارینا ویگمین کو یہ اعزاز دیا گیا۔
مزید برآں، خواتین کی کیٹیگری میں انگلینڈ کی ٹیم کی پانچ کھلاڑی (لایونیسز) بیلون ڈیور فیمینن کے ٹاپ 10 میں شامل رہیں، جو انگلش فٹ بال کے لیے ایک اہم کامیابی سمجھی جا رہی ہے۔
سماجی خدمات کے لیے دیا جانے والا سوکراتیز ایوارڈ اس سال بچوں اور نوجوانوں کی فلاح میں کام کرنے والی ایک تنظیم کے حصے میں آیا۔
