بلوچستان کے ضلع مستونگ میں غلام پڑنژ کے قریب نامعلوم مسلح افراد نے معدنیات لے جانے والے ٹرکوں پر حملہ کیا ہے، جس کے نتیجے میں کئی ٹرکوں کو شدید نقصان پہنچا ہے جبکہ ڈرائیوروں کے زخمی ہونے کی بھی اطلاعات ہیں۔
مقامی ذرائع کے مطابق، حملہ ہفتے کی شام کو پیش آیا، تاحال حملے میں زخمی ہونے والے افراد کی تعداد کی تصدیق نہیں ہو سکی، تاہم غیر مصدقہ اطلاعات کے مطابق بعض ڈرائیور اور معاون عملہ زخمی ہوا ہے۔
بلوچستان میں اس قسم کے حملے کوئی نئی بات نہیں۔ ماضی میں بھی مختلف بلوچ آزادی پسند تنظیمیں اس طرح کی کارروائیوں کی ذمہ داری قبول کرتی رہی ہیں۔ تاہم، تازہ ترین واقعے کی ذمہ داری تاحال کسی تنظیم نے قبول نہیں کی۔
