بلوچستان کے علاقے چوتو کے مقام پر پولیس قافلے پر ہونے والے حملے کے نتیجے میں قائم مقام ڈی ایس پی انسپکٹر عبدالرزاق اور کانسٹیبل رضا محمد ہلاک جبکہ دو اہلکار زخمی ہو گئے۔
ترجمان حکومت بلوچستان کے مطابق یہ پولیس قافلہ قلات سے کوئٹہ جا رہا تھا، جس میں دو ٹرک اور دو پک اپ گاڑیاں شامل تھیں۔ حملے کے دوران شدید فائرنگ کے نتیجے میں کانسٹیبل تاج محمد اور کانسٹیبل خورشید احمد زخمی ہو گئے جنہیں فوری طور پر اسپتال منتقل کر دیا گیا۔
حملے کی اطلاع ملتے ہی فورسز اور پولیس اہلکار جائے وقوعہ پر پہنچ گئے اور علاقے کو گھیرے میں لے کر سرچ آپریشن شروع کر دیا گیا۔
