بلوچستان کے ضلع مستونگ میں پاکستانی فورسز نے بلوچ اسٹوڈنٹس آرگنائزیشن (پجار) مستونگ زون کے آرگنائزر وقاص بلوچ کو اُن کے چار ساتھیوں سمیت حراست میں لینے کے بعد جبری طور پر لاپتہ کر دیا۔
ذرائع کے مطابق، انہیں گزشتہ رات پاکستانی فورسز نے حراست میں لینے کے بعد لاپتہ کیا۔ تاہم، تاحال ان کے تین ساتھیوں کی شناخت نہیں ہو سکی ہے۔
واضح رہے کہ بلوچستان بھر میں پاکستانی فورسز کے ہاتھوں جبری گمشدگیوں کا سلسلہ جاری ہے۔ رواں ماہ بھی متعدد افراد جبری گمشدگی کا شکار ہو چکے ہیں، جبکہ کئی زیرِ حراست افراد کو جعلی مقابلوں میں قتل کیا جا چکا ہے۔
